الماتى وبلىسىندا رەسپۋبليكالىق ماڭىزى بار قورعاس تاسجولى جابىلدى. قازاۆتوجولدىڭ مالىمدەۋىنشە, الماتى قالاسىنان باعىت العان جولاۋشىلار ەندى كوكپەك, كوكتال تاس جولدارى ارقىلى قورعاسقا دەيىن قاتىناي المايدى, دەپ حابارلايدى Egemen.kz
ۋاقىتشا شەكتەۋ 11 اقپانىندا تاڭعى 7.00-دەن باستاپ ەنگىزىلدى. باستى سەبەپ – قار مەن جاڭبىردان كەيىن پايدا بولعان كوكتايعاقتىڭ ورىن الۋى. الداعى كۇندەرى بۇل جولدار 63-تەن 109-شاقىرىمعا دەيىن كولىكتىڭ بارلىق ءتۇرى ءۇشىن جابىق بولماق.
ەسكە سالايىق, «قازگيدرومەت» سينوپتيكتەرى الداعى ءۇش كۇندە ەلىمىزدە كۇن سۋىتاتىنىن بولجاعان بولاتىن.