اتىراۋ وبلىسىنىڭ باس سانيتار دارىگەرى مادەنيەت تاناۋوۆ جاڭا قاۋلىعا قول قويدى. جاڭا قاۋلىعا سايكەس قوعامدىق تاماقتانۋ ورىندارىنىڭ جۇمىس ۋاقىتى ۇزارتىلىپ وتىر, دەپ حابارلايدى Egemen.kz.
«قوعامدىق تاماقتانۋ وبەكتىلەرىنە ساعات 07:00-دەن 24:00-گە دەيىن (ۇجىمدىق ءىس-شارالار وتكىزبەي, 50-دەن اسپايتىن وتىراتىن ورىن ورناتىپ, 50%-عا دەيىن تولتىرىلۋىمەن, ۇستەلدەر اراسىنداعى قاشىقتىق كەمىندە 2 مەتر ساقتالۋىن قامتاماسىز ەتىپ), فۋدكورتتار تەك جەتكىزۋ قاعيداسى بويىنشا شتاتتىق رەجيمدە جۇمىس كەستەسىن بەلگىلەي وتىرىپ, جۇمىس جاساۋعا رۇقسات ەتىلەدى» دەلىنگەن قاۋلىدا.
سونداي-اق كۇشەيتىلگەن سانيتاريالىق-دەزينفەكتسيالىق رەجيمدى ساقتاي وتىرىپ, ازىق-ت ۇلىك جانە ازىق-ت ۇلىك ەمەس بازارلاردىڭ جۇمىس كەستەسى ساعات 09:00-دەن 20:00-گە دەيىن بەلگىلەندى. بىراق جەكسەنبىدە جۇمىس ىستەۋىنە تىيىم سالىندى.
ال ساۋدا ۇيلەرى مەن ورتالىقتارى (پاۆيلوندار, بۋتيكتەر), ساۋدا جەلىلەرى ساعات 09:00-دەن 22:00-گە دەيىن (تولتىرىلۋى وبەكت سىيىمدىلىعىنىڭ 30%-نان اسىرماي, 1 كەلۋشىگە 4 شارشى مەتردەن كەم ەمەس), ولاردىڭ ىشىندەگى ازىق-ت ۇلىك سۋپەرماركەتتەرى مەن ءدارىحانالاردى قوسپاعاندا جۇمىس ىستەۋىنە رۇقسات ەتىلدى.