وتكەن سەنبىدە پرەمەر-مينيستر سەرىك احمەتوۆ مەملەكەت باسشىسىنىڭ ۇستىمىزدەگى جىلدىڭ 20 جەلتوقسانىنداعى يندۋستريالاندىرۋ كۇنىن وتكىزۋ بارىسىندا بەرگەن تاپسىرمالارىن جۇزەگە اسىرۋ ماسەلەسى بويىنشا كەڭەس وتكىزدى. كەڭەسكە ورتالىق اتقارۋ ورگاندارى مەن ۇلتتىق كومپانيالاردىڭ باسشىلارى, سالالىق اسسوتسياتسيالاردىڭ جەتەكشىلەرى قاتىستى.
وتكەن سەنبىدە پرەمەر-مينيستر سەرىك احمەتوۆ مەملەكەت باسشىسىنىڭ ۇستىمىزدەگى جىلدىڭ 20 جەلتوقسانىنداعى يندۋستريالاندىرۋ كۇنىن وتكىزۋ بارىسىندا بەرگەن تاپسىرمالارىن جۇزەگە اسىرۋ ماسەلەسى بويىنشا كەڭەس وتكىزدى. كەڭەسكە ورتالىق اتقارۋ ورگاندارى مەن ۇلتتىق كومپانيالاردىڭ باسشىلارى, سالالىق اسسوتسياتسيالاردىڭ جەتەكشىلەرى قاتىستى.
يندۋستريالاندىرۋ, شاعىن جانە ورتا بيزنەستى دامىتۋ ءماسەلەلەرى بويىنشا پرەمەر-مينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, وڭىرلىك دامۋ ۆيتسە-ءمينيسترى سەرىك جۇمانعارين, «اتامەكەن وداعى» قازاقستاننىڭ ۇلتتىق ەكونوميكالىق پالاتاسىنىڭ» باسقارما توراعاسى ابىلاي مىرزاحمەتوۆ باياندامالار جاسادى.
پرەزيدەنت تاپسىرمالارىن جۇزەگە اسىرۋ ماسەلەلەرىنە قاتىستى سەرىك احمەتوۆ مينيسترلىكتەر مەن ۆەدومستۆولار قىزمەتىنىڭ باسىم باعىتتارىن اتاپ كورسەتتى.
«2014 جىلدىڭ ءبىرىنشى جارتى جىلدىعىنىڭ سوڭىنا دەيىن ءبىز يندۋستريالاندىرۋدىڭ ەكىنشى بەسجىلدىق باعدارلاماسىن ءازىرلەپ, وعان مۇناي-گاز ونەركاسىبى, تاۋ-كەن, مەتاللۋرگيا, اگروونەركاسىپ سەكىلدى ەكونوميكانىڭ بازالىق سالالارىن كەشەندى دامىتۋ جوسپارىن ۇشتاستىرۋىمىز قاجەت», دەگەن پرەمەر-مينيستر وسىعان بايلانىستى ەلىمىزدىڭ ونەركاسىپتىك دامۋى جونىندەگى كوميسسيا قۇرۋدى جەدەلدەتۋدى تاپسىردى.
«ونىڭ ۇستىنە يندۋستريالاندىرۋدىڭ ەكىنشى بەسجىلدىق باعدارلاماسىن ازىرلەۋ كەزىندە ءبىزدىڭ ونەركاسىپتىك ساياساتىمىزدىڭ يكەمدى بولۋىن, ول الەمدىك اعىمداردىڭ وزگەرىستەرىنە جەدەل بەيىمدەلۋگە قابىلەتتى بولىپ شىعۋىن ەسكەرۋىمىز كەرەك», دەدى سەرىك احمەتوۆ.
مۇنىمەن قوسا, ۇكىمەت باسشىسى بارلىق مۇددەلى مەملەكەتتىك ورگاندارعا شاعىن جانە ورتا بيزنەستىڭ دامۋىنا كەدەرگى كەلتىرىپ وتىرعان نورمالاردى انىقتاپ, ولاردىڭ كۇشىن جويۋ باعىتىندا قولدانىستاعى زاڭدىلىقتارعا تەكسەرۋ جۇرگىزۋدى تاپسىردى. جەكەمەنشىك ينستيتۋتىن ودان ءارى نىعايتۋ, ءوز ءىسىن جاڭا باستاعان كاسىپكەرلەرگە قىزمەتتەرىنىڭ پەرسپەكتيۆالىق باعىتتارىن ايقىنداۋ ءۇشىن قولداۋ كورسەتۋ ماسەلەلەرىنە قاتىستى ستراتەگيالىق ءادىس-تاسىلدەردى ايقىندايتىنداي ۇسىنىستاردى ازىرلەۋ قاجەتتىگىن دە باسا كورسەتتى.
«بيزنەستى قولداۋدىڭ ءادىس-ءتاسىلدەرى مەن تەتىكتەرى ءجونىندەگى اقپاراتتاردى ءاربىر كاسىپكەرگە دەيىن جەتكىزۋىمىز قاجەت. وسى باعىتتا ءىسىن جاڭا باستاعان كاسىپكەرلەرگە ارنالعان جولباسشىلىق كەڭەس بەرۋ انىقتامالىقتارى حالىق اراسىندا كەڭىنەن ناسيحاتتالاتىن بولسىن. كاسىپكەرلەرگە قىزمەت كورسەتەتىن ورتالىقتاردىڭ جۇمىسىن وسى ماسەلەلەردە بارىنشا ءتيىمدى ەتۋىمىز جانە پايدالانۋىمىز كەرەك», دەدى پرەمەر-مينيستر.
سونىمەن قاتار, ۇكىمەت باسشىسى كاسىپكەرلىك سۋبەكتىلەرىن نەگىزسىز جانە جوسپاردان تىس تەكسەرۋلەردى توقتاتۋ تۋرالى بارلىق مينيسترلىكتەر مەن ۆەدومستۆولارعا تاپسىرمالار بەردى.
كەڭەستى قورىتىندىلاي كەلە, پرەزيدەنتتىڭ بارلىق تاپسىرمالارى ناقتى جانە تۋرا بەلگىلەنگەن مەرزىمىندە ورىندالۋى قاجەتتىگىن قاتاڭ ەسكەرتتى.
سۇڭعات ءالىپباي,
«ەگەمەن قازاقستان».