*الداعى جىلى «دامۋ» قورى قولدايتىن جوبالار سانى ارتادى. قوردىڭ باسقارما ءتورايىمى ءلاززات يبراگيموۆانىڭ ايتۋىنشا, بيىلعى جىلى باعدارلاما اياسىندا سۋبسيديالاۋمەن 3 300 كومپانيا قامتىلعان.
*استانادا بيىلعى 11 ايدا 20 699 بالا دۇنيەگە كەلدى. ايتا كەتەيىك, ەلوردادا تۋ كورسەتكىشى جىل سايىن ورتا ەسەپپەن 1,1 پايىزعا ارتىپ كەلەدى, ال 2013 جىلعى جەلتوقسان ايىندا بۇل كورسەتكىش 1 مىڭ ادامعا شاققاندا 27,67-ءنى قۇرادى.
*الداعى جىلى «دامۋ» قورى قولدايتىن جوبالار سانى ارتادى. قوردىڭ باسقارما ءتورايىمى ءلاززات يبراگيموۆانىڭ ايتۋىنشا, بيىلعى جىلى باعدارلاما اياسىندا سۋبسيديالاۋمەن 3 300 كومپانيا قامتىلعان.
*استانادا بيىلعى 11 ايدا 20 699 بالا دۇنيەگە كەلدى. ايتا كەتەيىك, ەلوردادا تۋ كورسەتكىشى جىل سايىن ورتا ەسەپپەن 1,1 پايىزعا ارتىپ كەلەدى, ال 2013 جىلعى جەلتوقسان ايىندا بۇل كورسەتكىش 1 مىڭ ادامعا شاققاندا 27,67-ءنى قۇرادى.
*ەكىباستۇز جىلۋ-ەلەكتر ستانساسى ءوزىنىڭ 20 جىلدىعىن تويلادى. ول 1993 جىلعى 22 جەلتوقساندا ەلباسى نۇرسۇلتان نازارباەۆتىڭ قاتىسۋىمەن ىسكە قوسىلىپ ەدى. ونى سالىپ, وسىندا قالعان قۇرىلىسشىلار بۇگىندە بەلگىلى ماماندار اتانىپ وتىر.
*بۇگىننەن باستاپ «الماتى–تالدىقورعان» جولاۋشىلار پويىزى قاتىنايدى. پويىز الماتىدان جۇپ كۇندەرى, تالدىقورعاننان تاق كۇندەرى شىعادى. جولدا ءجۇرۋ ۋاقىتى 8 ساعات 55 ءمينوتتى قۇرايدى.
*وسكەمەندە گيگيەنالىق قاعازدار شىعارۋ ءوندىرىسى ىسكە قوسىلادى. جاڭا ونەركاسىپتە كۇنىنە 20 مىڭ وراما قاعاز شىعارىلادى. ونى كاسىپكەر ەرلان جارمۇحامەتوۆ مەملەكەتتەن قايتارىمسىز 3 ملن. تەڭگە الۋ ارقىلى جۇزەگە اسىردى.
*ستەپنوگور قالاسىندا «جاستار ويى» مەديا ورتالىعى اشىلدى. ونى «تاڭشولپان» جاستار-جاسوسپىرىمدەر ورتالىعى بەلسەندىلەرى دۇنيەگە كەلتىردى. ورتالىق 2006 جىلدان بەرى جۇمىس ىستەيدى. ۇيىمدا بالالار كوركەم-ەستەتيكالىق جانە الەۋمەتتىك-پەداگوگيكالىق باعىتتاردا جۇمىس جاسايدى.
*قاراعاندى وبلىسىندا اسكەري قىزمەتشىلەر جولدا قالعان 120 ادامدى قۇتقاردى. وسىنداعى №36352 اسكەري ءبولىمىنىڭ قۇتقارۋ جاساعى قارلى بوراننىڭ قاقپانىنا تۇسكەن اۆتوكولىكتەردى الىپ شىعۋ ءۇشىن 4 ساعات بويى جول تازالاۋمەن اينالىستى.
*التىننىڭ قۇنى سوڭعى ءتورت جىلدا ەڭ تومەنگى دەڭگەيگە جەتتى. Goldman Sachs ساراپشىلارىنىڭ پىكىرىنشە, سارى مەتالدىڭ باعاسى كەلەسى جىل بويى تومەندەپ, 2015 جىلدىڭ باس كەزىنە قاراي (ترويسك ۋنتسياسى – 31,1 گ.) 1050 دوللارعا دەيىنگى دەڭگەيگە جەتەدى. جىل باسىنان بەرى التىن 29 پايىزعا تومەندەگەن. التىن ءوندىرۋشى كومپانيالاردىڭ باعا كەسىمى بيىلعى جىلى 23 ملرد. دوللارعا, بيرجالىق ۇلەسپۇلدىق قورى وسى ۋاقىتتا 73 ملرد.-قا تومەندەگەن.
*قازاقستان-قىتاي شەكاراسىندا رەسمي تۇردە «جاسىل ءدالىز» ىسكە قوسىلدى. ەسكە سالا كەتەيىك, ەكى ەلدىڭ اۋىل شارۋاشىلىعى ونىمدەرىن كەدەندىك باقىلاۋدان تەز وتكىزۋ بويىنشا «جاسىل ءدالىز» قۇرۋ جونىندە كەلىسىمگە قحر توراعاسى سي ءتسزينپيننىڭ قىركۇيەك ايىندا قازاقستان رەسپۋبليكاسىنا جاساعان ساپارى بارىسىندا قول جەتكەن بولاتىن.
«قازاقپارات», Egemen.kz حابارلارى بويىنشا دايىندالدى.