ەلورداداعى ق. قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا جۋرناليست, دراماتۋرگ دۋمان رامازاننىڭ پەساسى نەگىزىندە بەلگىلى رەجيسسەر بولات ۇزاقوۆ ساحنالاعان «ابىلاي حاننىڭ ارمانى» قويىلىمى كورەرمەن كوزايىمىنا اينالدى.
ەلورداداعى ق. قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا جۋرناليست, دراماتۋرگ دۋمان رامازاننىڭ پەساسى نەگىزىندە بەلگىلى رەجيسسەر بولات ۇزاقوۆ ساحنالاعان «ابىلاي حاننىڭ ارمانى» قويىلىمى كورەرمەن كوزايىمىنا اينالدى.
جاس قالامگەر مەن تانىمال رەجيسسەردىڭ تاريحي تۋىندىنى تاڭداۋدا وسىمەن ەكىنشى مارتە جولدارى توعىسىپ وتىر. ەسكە سالا كەتەر بولساق, 2010 جىلى شىعارماشىلىق دۋەتتىڭ ۇندەسۋىمەن «كەنەسارى – كۇنىمجان» تاريحي شىعارماسى دۇنيەگە كەلگەن بولاتىن. ەل ءىشى الا تايداي ب ۇلىنگەن كەشەگى الاساپىران زامانداردىڭ قاتپارىندا قالىپ قويعان ءالى قانشاما قازىنا جاتىر دەسەڭشى. تاريحتىڭ تەرەڭىنەن مارجان تەرگەن سايىن بۇرىن-سوڭدى كەزىكپەگەن تالاي-تالاي قۇندىلىقتىڭ قۇنداعى اشىلا تۇسەدى. سونىڭ ءبىر بەلەسى التى الاشتىڭ بالاسىنىڭ باسىن قوسقان ابىلاي حاننىڭ 300 جىلدىق قۇرمەتىنە ەلوردالىق تەاتر ساحنالاعان تۋىندىدا كورىنىس تابادى.
وقيعا ابىلاي حاننىڭ جوڭعار تۇتقىنىنا تۇسكەن كەزىنەن باستالادى. مۇندا نەگىزىنەن باتىر بابانىڭ قازاق حالقىن قيىن-قىستاۋ كەزەڭنەن الىپ شىعۋ جولىنداعى جانقيار باتىلدىعى مەن كورەگەندىگى باياندالادى. ەگەر سول ۋاقىتتا ءدال مۇنداي سارابدال دا ساليقالى كوشباسشى بولماعاندا, قازاق حالقى جوڭعارلاردىڭ كەبىن كيىپ, جەر بەتىنەن ۇلت رەتىندە مۇلدە جويىلىپ كەتۋى ابدەن مۇمكىن ەدى. ساحنالىق تۋىندى نەگىزىنەن ابىلايدىڭ كوشباسشىلىق قاسيەتىمەن بىرگە ادامي بولمىس-ءبىتىمىن, قايراتكەرلىگىن, ساياساتكەرلىگىن, ەرجۇرەك باتىلدىعى مەن اسقان اقىل-وي يەسى ەكەندىگىن اشىپ كورسەتۋگە كوبىرەك دەن قويادى. ەل باستاعان كوسەمدىگى مەن قول باستاعان باتىلدىعىنىڭ ارقاسىندا بار قازاقتىڭ باسىن قوسىپ, ەل مەن جەردىڭ تۇتاستىعىن ساقتاپ قالعان ابىلاي زامانىنىڭ مۇراتى ءالى دە سول بيىك كۇيىندە قالا بەرمەك. سپەكتاكل وسىدان نەشەمە عاسىر بۇرىنعى وقيعاعا ارنالعانىمەن تاقىرىبى كۇنى بۇگىنگە دەيىن وتە ماڭىزدى, سەبەبى, ەل بىرلىگىن, ۇلت تەڭدىگىن ناسيحاتتايدى. ال ەلدىك پەن بىرلىككە ۇندەيتىن شىعارما ەشقاشان ارتىقتىق ەتپەيدى. باتىر بابالارىمىز عاسىرلار بويى كوز قاراشىعىنداي ساقتاپ كەلگەن ۇلان-بايتاق قازاق دالاسىنىڭ ازاتتىعى ءۇشىن ايقاسقان تۇلعالار تۋرالى كەز كەلگەن تاريحي تۋىندى ءبىز ءۇشىن قىمبات تا قىزىقتى. تاعى ءبىر ايتا كەتەرلىگى, تاريحي قويىلىمعا تەاتردىڭ بەلدى دە جەتەكشى اكتەرلەرى تۇگەل قاتىستى دەۋگە بولادى. مىسالى, ابىلاي بەينەسىن «دارىن» مەملەكەتتىك جاستار سىيلىعىنىڭ لاۋرەاتى سىرىم قاشقاباەۆ سومداسا, قالدان سەرەندى قر ەڭبەك سىڭىرگەن قايراتكەرى بورانباي مولداباەۆ, جولبارىس سۇلتاندى جانىبەك مۇساەۆ, توپىش سۇلۋدى اقمارال تاناباەۆا, قازىبەك ءبيدى امانجول مولداحمەت, ءۇش ءجۇزدىڭ بيلەرىن قازاقستاننىڭ حالىق ءارتىسى تىلەكتەس مەيراموۆ, بولات ىبىراەۆ, اسحات سۇلتان, كنياز يۆان ۋراكوۆتى قر ەڭبەك سىڭىرگەن قايراتكەرى كەڭەس نۇرلانوۆ, قىتاي ەلشىسى نا-ۆانگتى داستان ءالىموۆ سومدادى.
«ەگەمەن-اقپارات».
سۋرەتتەردى تۇسىرگەن
ەرلان وماروۆ.