ماڭعىستاۋ وبلىسىنا قاراستى مۇنايلى اۋدانىندا 10 وقۋشىدان كوروناۆيرۋس ىندەتى انىقتالىپ, 3 مەكتەپ كارانتينگە جابىلدى, دەپ حابارلايدى Egemen.kz
مەكتەپ وقۋىشىلارى سيمپتومسىز ءارى جەڭىل تۇرىمەن اۋىرعاندىقتان, ۇيلەرىنە جىبەرىلدى. بۇعان قوسا, اقتاۋ قالاسىنداعى 3 بالاباقشادا دا مۇعالىم مەن تاربيەشىلەردەن انىقتالىپ مەكەمەنىڭ جۇمىسى ۋاقىتشا توقتادى.
ەسكە سالا كەتەيىك, باتىس قازاقستان وبلىسىندا جاڭا قاۋلى شىعىپ, كارانتين تالاپتارى جەڭىلدەدى. تەاتر, مادەني نىسانداردىڭ جۇمىسىنا رۇقسات بەرىلدى. قوعامدىق تاماقتانۋ ورىندارىنىڭ جۇمىس ۋاقىتى دا ۇزارىپ, تاڭعى جەتىدەن تۇنگى ون ەكىگە دەيىن قىزمەت كورسەتە الادى. باستىسى, سانيتارلىق تالاپ قاتاڭ ساقتالۋى شارت.