شاردارا سۋ قويماسىندا جوندەۋ جۇمىستارى جوسپار بويىنشا جۇرگىزىلۋدە. قازىرگى كەزدە ەشقانداي قاۋىپ جوق. قر توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمباەۆ ورتالىق كوممۋنكياتسيالار قىزمەتىندە وتكەن بريفينگتە جۋرناليستەردىڭ شاردارا سۋ قويماسىنا قاتىستى سۇراقتارىنا وسىلاي دەپ جاۋاپ بەردى.
ونىڭ ايتۋىنشا, اتالعان سۋ قويماسىنان نورماتيۆتىك سۋ شىعارۋ جۇمىستارى جۇرگىزىلىپ جاتىر.
«قازگيدرومەتتىڭ بولجامى بويىنشا, بيىل قار مولشەرى از بولعاندىقتان سۋدىڭ كەلۋى دە از بولدى. سۋ شىعارۋ جۇمىستارى باستالدى. ءبارى نورماتيۆتىك دەڭگەيدە. تۇركىستان وبلىسىمەن شەكارادا سىرداريا وزەنىنىڭ بويىندا مۇز جوق, بىراق قىزىلوردا وبلىسىندا مۇزدىڭ قالىڭدىعى 18 سم, ال ارال تەڭىزى ماڭايىندا 50- 60 سم جەتەدى. بىراق بۇل قاۋىپتى ەمەس», - دەدى تجم وكىلى.
ي. كۇلشىمباەۆ قىزىلوردا وبلىسىنداعى احۋال مينيسترلىكتىڭ جەكە باقىلاۋىنا الىنعانىن اتاپ ءوتتى.