بجزق-داعى سالىمدارىنداعى جەتكىلىكتىلىك شەگى تۋرالى ماسەلە زاڭداستىرىلعالى بەرى قوردىڭ ينۆەستيتسيالىق كىرىستىلىگى ماسەلە ترەندكە اينالدى. سارارشىلار ينۆەستيتسيالىق كىرىستىلىك سالىمشىنىڭ جيعانىن قورىنا ۇستەمە رەتىندە شامامەن 43 پايىزعا كوبەيگەنىن ايتىپ جاتىر. مىسالى, سالىمشىنىڭ جيعان قورى 2 ملن 600 مىڭ بولسا, ينۆەستيتسيالىق كىرىستى قوسا ەسەپتەگەندەگى سوما 4 ملن 850 مىڭ تەڭگەنىڭ اينالاسىندا بولاتىنى بەلگىلى, دەپ جازادى Egemen.kz.
ەندەشە جىل باسىنان بەرگى ينۆەستيتسيالىق كىرىستىلىكتىڭ 1,3 ترلن تەڭگەدەن اسقانى بجزق سالىمىنا قاراپ ەلەڭدەپ وتىرعان اعايىن ءۇشىن قۋانىشتى جاڭالىق: سەبەبى بجزق سالىمى جەتكىلىكتى مولشەرى ءبىر رەتتى اكتسيا ەمەس, جىل سايىن جۇرگىزىلەدى. جيناقتاۋشى زەينەتاقى جۇيەسى باستالعاننان بەرى سالىمشىلار العان ينۆەستيتسيالىق كىرىس 5,5 ترلن تەڭگەدەن اسىپ, زەينەتاقى اكتيۆتەرىنىڭ 43% -دان استامىن قۇرادى.
2020 جىلى زەينەتاقى اكتيۆتەرىنىڭ ينۆەستيتسيالىق كىرىستىلىگى 7,5% ينفلياتسيامەن 10,92% قۇرادى. ناتيجەسىندە 2020 جىلعا ناقتى كىرىستىلىك 3,42% پايىز:
«زەينەتاقى جيناقتارى بويىنشا 2020 جىلى الىنعان ينۆەستيتسيالىق كىرىستىڭ كولەمى 1,3 ترلن تەڭگەنى قۇرادى. جيناقتالعان ينۆەستيتسيالىق كىرىستىلىك 1998 جىلدان باستاپ, ياعني جيناقتاۋشى زەينەتاقى جۇيەسى جۇمىس ىستەي باستاعاننان بەرى 602,9% قۇرادى. سونىمەن بىرگە جيناقتالعان ينفلياتسيا 496,65% -دان اسپادى», دەدى زەينەتاقى قورى.
وسىلايشا, سوڭعى 23 جىلداعى زەينەتاقى اكتيۆتەرىنىڭ ناقتى جيناقتالعان كىرىسى 2021 جىلدىڭ 1 قاڭتارىنا وڭ بولىپ, 106,25% قۇرادى.
ۇلتتىق بانك بجزق-نىڭ زەينەتاقى اكتيۆتەرىنىڭ سەنىمدى باسقارۋشىسى بولىپ تابىلاتىندىعىن جانە ولاردى ينۆەستيتسيالىق دەكلاراتسياعا سايكەس ينۆەستيتسيالايتىنىن ەسكەرىڭىز. زەينەتاقى اكتيۆتەرىن ينۆەستيتسيالاۋعا رۇقسات ەتىلگەن قارجى قۇرالدارىنىڭ تىزبەسىن ۇكىمەت بەكىتەدى.
زەينەتاقى اكتيۆتەرىن ينۆەستيتسيالاۋدىڭ نەگىزگى باعىتتارىن قازاقستان رەسپۋبليكاسىنىڭ ۇلتتىق قورىن باسقارۋ كەڭەسى ايقىندايدى.
زەينەتاقى اكتيۆتەرى ۇلتتىق بانكتەگى بجزق ينۆەستيتسيالىق شوتىندا ساقتالادى. بجزق سالىمشىلاردىڭ (الۋشىلاردىڭ) جەكە زەينەتاقى شوتتارىنداعى (جزش) جيناقتالعان زەينەتاقى قاراجاتىنىڭ دەربەستەندىرىلگەن ەسەبىن جۇرگىزەدى.
ينۆەستيتسيالاردى باسقارۋ ناتيجەلەرى جانە زەينەتاقى اكتيۆتەرى سالىنعان قارجى قۇرالدارى تۋرالى اقپارات اي سايىن بجزق-نىڭ رەسمي سايتىندا (www.enpf.kz) «ينديكاتورلار / ينۆەستيتسيالىق قىزمەت» بولىمىندە ورنالاستىرىلادى.
«بجزق زەينەتاقى جيناقتارىن الىنعان ينۆەستيتسيالىق كىرىستى ەسكەرە وتىرىپ, كۇن سايىن قايتا ەسەپتەيدى جانە قايتا باعالايدى.
ينۆەستيتسيالىق كىرىستىڭ مولشەرى ءارتۇرلى جانە كوپتەگەن فاكتورلارعا, سونىڭ ىشىندە ينۆەستيتسيالاردىڭ اعىمداعى نارىقتىق قۇنى مەن ۆاليۋتا باعامدارىنا بايلانىستى. ناتيجەسىندە, ينۆەستيتسيالىق تابىس جوعارىعا دا, تومەنگە دە وزگەرۋى مۇمكىن. سالىمشىلاردىڭ جسق بويىنشا ينۆەستيتسيالىق كىرىستىڭ ىقتيمال تەرىس اۋىتقۋلارى قىسقا مەرزىمدە بايقالادى جانە ۋاقىتشا بولىپ تابىلادى. ورتاشا جانە ۇزاق مەرزىمدى پەرسپەكتيۆادا ينۆەستيتسيالاردىڭ كىرىستىلىگى ادەتتە وڭ بولادى. سوندىقتان ينۆەستيتسيالاردىڭ ناتيجەلەرىن ۇزاق مەرزىمنىڭ, كەم دەگەندە ءبىر جىلدىڭ ناتيجەلەرى بويىنشا باعالاۋ دۇرىس», دەدى بجزق.
زەينەتاقى جيناقتارى تۋرالى اقپارات سالىمشىلاردىڭ جەكە كابينەتىندە بجزق-نىڭ enpf.kz ۆەب-سايتىندا, بجزق ءموبيلدى قوسىمشاسىندا, egov.kz پورتالىندا قول جەتىمدى.