ەلورداداعى گۇل ورتالىعى حالىقتان كەشىرىم سۇرادى

ەستەرىڭىزگە سالا كەتەيىك, 7 اقپاندا قالادا ەكى مىڭ ادامنىڭ قاتىسۋىمەن جاپپاي ءىس-شارا وتكىزۋدىڭ جولى كەسىلدى. جاڭا فيليالدىڭ اشىلۋىنا وراي «Romantic» گۇلدەر ورتالىعى لوتەرەيا ۇتىس ويىنىن وتكىزگەن بولاتىن. جاپپاي ءىس-شارا ماڭگىلىك ەل داڭعىلىندا ۇيىمداستىرىلدى.

ناتيجەسىندە, ادام كوپ جينالعاندىقتان كەپتەلىس پايدا بولدى. ال قاتىسۋشىلار ماسكا رەجيمىن, الەۋمەتتىك قاشىقتىقتى ساقتاماي, ۆيرۋستىڭ تارالۋ قاۋپىن ارتتىردى.

بۇقارالىق ءىس-شارانى وتكىزگەن ۇيىمداستىرۋشىلار قالا تۇرعىندارىنان بەينەوتىنىش تۇرىندە كەلتىرىلگەن زالال ءۇشىن كەشىرىم سۇرادى.

«Romantic» گۇلدەر ورتالىعى نۇر-سۇلتان قالاسىنىڭ تۇرعىندارىنان كەشىرىم سۇرايدى. بولعان وقيعا ءۇشىن بارلىق جاۋاپكەرشىلىكتى ءوز موينىمىزعا الامىز. ءىس-شارالاردى وتكىزۋ ءۇشىن قويىلاتىن تالاپتار مەن باس سانيتارلىق دارىگەردىڭ نۇسقاماسى بۇزىلدى. قالامىزعا جانە جۇرتشىلىققا كەلتىرىلگەن قولايسىزدىقتار ءۇشىن جاۋاپكەرشىلىكتى كوتەرۋگە دايىنبىز. بۇل ءىس-شارا اكىمدىكتىڭ جانە باسقا دا مەملەكەتتىك ورگانداردىڭ كەلىسىمىنسىز وتكىزىلدى. قالا تۇرعىندارى الدىندا كەشىرىم سۇرايمىز. ءبىز قالىپتاسقان جاعدايدىڭ اۋىرلىعىن تۇسىنبەدىك», دەدى قالا تۇرعىندارىنا گۇل ورتالىعىنىڭ اتقارۋشى ديرەكتورى تەمىرلان كەنجەباەۆ.

دۇكەن يەلەرى قر اقبتك-ءنىڭ 425-بابىنىڭ ءبىرىنشى بولىگى بويىنشا اكىمشىلىك جاۋاپكەرشىلىككە تارتىلدى, ولارعا 230 اەك نەمەسە 670 910 تەڭگە مولشەرىندە ايىپپۇل سالىندى. كاسىپكەرلەر كىناسىن مويىنداپ, ايىپپۇلدى 7 كۇن ىشىندە وتەۋگە كەلىسكەندىكتەن, تولەم مولشەرى 115 اەك نەمەسە 335 455 تەڭگەنى قۇرايدى.

7 اقپاندا جۇمىس رەجيمىن بۇزعانى ءۇشىن «زارەچنىي» مونشاسى, «Opus One» كاراوكە-مەيرامحاناسى جانە Time to smoke لاۋندج بارى دا جاۋاپكەرشىلىككە تارتىلدى.