قازاقستان شەتەلدىكتەر ءۇشىن ساقتاندىرۋ نارىعىن اشادى

2020 جىلى قازاقستاندىق ساقتاندىرۋ ۇيىمدارىنىڭ مەنشىكتى كاپيتالى 665 ملرد تەڭگەگە دەيىن 20%-عا ۇلعايدى. نارىق تۇراقتىلىق پەن تولەم قابىلەتتىلىگىنىڭ جەتكىلىكتى جوعارى دەڭگەيىمەن سيپاتتالادى. شەتەلدىك ساقتاندىرۋ (قايتا ساقتاندىرۋ) كومپانيالارىنىڭ قازاقستان نارىعىنا كەلۋى شەتەلدىك نارىقتارعا شىعۋعا, ءىرى شەتەلدىك كومپانيالاردىڭ ۇلتتىق ساقتاندىرۋ نارىعىنا قول جەتكىزۋىنە جول اشادى.

«قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى قازاقستاندىق نارىقتا شەتەلدىك ساقتاندىرۋشىلاردىڭ قىزمەتىن باستاۋعا رۇقسات بەرۋ ءتارتىبىن انىقتايتىن بولىگىندە عانا ەمەس, سونىمەن قاتار ولاردى رەتتەۋ بويىنشا تالاپتاردى كۇشەيتتى», - دەدى توراعانىڭ ورىنباسارى ماريا حادجيەۆا.

قازاقستان رەسپۋبليكاسىنىڭ اۋماعىندا قارجىلىق قىزمەتتى باستاۋ ءۇشىن شەتەلدىك قارجى ۇيىمى الدىمەن فيليال اشۋعا رۇقسات, سودان كەيىن اگەنتتىكتىڭ تيىستى ليتسەنزياسىن الۋعا ءتيىس.

«شەتەلدىك ساقتاندىرۋ ۇيىمدارىنىڭ فيليالدارى ساقتاندىرۋ تولەمدەرىنە مىندەتتى كەپىلدىك بەرۋ جۇيەسىنىڭ قاتىسۋشىلارى بولۋعا جانە "ساقتاندىرۋ تولەمدەرىنە كەپىلدىك بەرۋ قورى" اق-پەن قاتىسۋ شارتى  بولۋعا ءتيىس. فيليالدارمەن جاسالعان شارتتار بويىنشا تولەمدەرگە «ساقتاندىرۋ تولەمدەرىنە كەپىلدىك بەرۋ قورى» اق قاراجاتى ەسەبىنەن كەپىلدىك بەرىلەدى, بۇل فيليال جابىلعان جاعدايدا ساقتاندىرۋدىڭ كەپىلدىك بەرىلگەن سىنىپتارى شەڭبەرىندە ساقتاندىرۋ شارتتارى بويىنشا ۇزدىكسىز تولەمدەردى جۇزەگە اسىرۋعا جانە ساقتاندىرۋ پورتفەلىنىڭ قۇرامىنا كىرەتىن مىندەتتەمەلەردى ورىنداۋ بويىنشا ساباقتاستىقتى قامتاماسىز ەتۋگە مۇمكىندىك بەرەدى» -, دەپ ءتۇسىندىردى قارجى رەتتەۋشىسى توراعاسىنىڭ ورىنباسارى.

قارجىلىق كورسەتىلەتىن قىزمەتتەردى تۇتىنۋشىلاردىڭ مۇددەلەرىن قورعاۋ ءۇشىن شەتەلدىك فيليال رەزەرۆ رەتىندە قابىلداناتىن اكتيۆتەردى قالىپتاستىرۋى جانە ولاردى سەنىمدىلىك دەڭگەيى جوعارى قازاقستاننىڭ ەكىنشى دەڭگەيدەگى بانكىندەگى اعىمداعى شوتقا ورنالاستىرۋى ءتيىس. قازاقستان رەسپۋبليكاسىنىڭ بەيرەزيدەنت-ساقتاندىرۋ (قايتا ساقتاندىرۋ) ۇيىمىنىڭ جيىنتىق اكتيۆتەرىنىڭ سوماسى 5 ملرد اقش دوللارىنا بالامالى سومادان تومەن بولماۋعا ءتيىس, بۇل رەتتە جۇمىس تاجىريبەسى - ساقتاندىرۋدىڭ بارلىق سالالارى مەن سىنىپتارىندا كەمىندە 10 جىل قۇراۋى قاجەت.

بەيرەزيدەنت-ساقتاندىرۋ ۇيىمىنىڭ فيليالى جالپى ساقتاندىرۋ نەمەسە ءومىردى ساقتاندىرۋ سالاسى بويىنشا ساقتاندىرۋ قىزمەتىن, سونداي-اق ءتيىستى ليتسەنزيالاردى العان جاعدايدا قازاقستاندىق ساقتاندىرۋ كومپانيالارى ءۇشىن ۇقساس قايتا ساقتاندىرۋ جونىندەگى قىزمەتتى جۇزەگە اسىرا الادى.

بەيرەزيدەنتتەر-ساقتاندىرۋ (قايتا ساقتاندىرۋ) ۇيىمدارىنىڭ فيليالدارىن پرۋدەنتسيالىق رەتتەۋ جاڭادان قۇرىلاتىن ساقتاندىرۋ (قايتا ساقتاندىرۋ) ۇيىمى ءۇشىن جارعىلىق كاپيتالدىڭ تالاپ ەتىلەتىن ەڭ تومەنگى مولشەرىنىڭ ورنىنا رقا-نىڭ ەڭ تومەنگى مولشەرىن (ساقتاندىرۋ سالاسىنا بايلانىستى 1,5 ملن اەك-تەن 10,5 ملن اەك-كە دەيىن) بەلگىلەۋدى كوزدەيدى. قاراجات Standard & Poors رەيتينگتىك اگەنتتىگىنىڭ «ۆۆ+» تومەن ەمەس حالىقارالىق شكالاسى بويىنشا ەڭ تومەن ۇزاق مەرزىمدى كرەديتتىك رەيتينگى نەمەسە Moody's Investors Service جانە Fitch حالىقارالىق رەيتينگتىك اگەنتتىكتەرىنىڭ وسىعان ۇقساس دەڭگەيدەگى رەيتينگى بار قازاقستان رەسپۋبليكاسىنىڭ ەكىنشى دەڭگەيدەگى بانكتەرىنىڭ اعىمداعى شوتتارىندا ورنالاستىرىلادى.

 بەيرەزيدەنت-ساقتاندىرۋ ۇيىمى فيليالىنىڭ قىزمەتىنە تەكسەرۋ جۇرگىزۋ كەزىندە اگەنتتىك شەتەلدىك قارجىلىق قاداعالاۋ ورگانىنان اقپارات الۋعا قۇقىلى. بۇل رەتتە, بەيرەزيدەنت-ساقتاندىرۋ ۇيىمى فيليالىنىڭ قىزمەتىندەگى تاۋەكەلدەر مەن كەمشىلىكتەر انىقتالعان جاعدايدا, اگەنتتىك ودان اۋديت جۇرگىزۋدى تالاپ ەتە الادى.

«بەيرەزيدەنت-ساقتاندىرۋ ۇيىمى شەتەلدىك قارجىلىق قاداعالاۋ ورگانىنىڭ رۇقساتى نەگىزىندە قىزمەتىن ءوز ەركىمەن توقتاتا الادى. سونداي-اق, اگەنتتىكتىڭ ليتسەنزيانى قايتارىپ الۋىنا بايلانىستى ءماجبۇرلى تۇردە توقتاتىلادى. بىراق مەن ايتىپ كەتكەندەي, بۇل جاعدايدا كليەنتتەردىڭ قولدانىستاعى شارتتارى بويىنشا تولەمدەرگە كەپىلدىك بەرىلەدى. قىزمەتتى توقتاتۋعا نەگىز - ساقتاندىرۋ ۇيىمى فيليالىنىڭ قازاقستان رەسپۋبليكاسىنىڭ زاڭناماسىن بۇزۋى, بەيرەزيدەنت-ۇيىمدى ليتسەنزياسىنان ايىرۋ نەمەسە ونى تاراتۋ بولۋى مۇمكىن»- دەپ تۇيىندەدى م.حادجيەۆا.