مەلبۋرن قالاسىندا ءوتىپ جاتقان Australian Open-2021 ءتۋرنيرىنىڭ العاشقى جارىس كۇنى اياقتالۋعا جاقىن. بۇگىن كورتقا شىققان قازاقستادىق الەكساندر بۋبليك اسا تارتىستى كەزدەسۋدە جەڭىسكە جەتتى دەپ حابارلايدى Egemen.kz Olympic.kz cايتىنا سىلتەمە جاساپ.
بۋبليك ءبىرىنشى كەزەڭدە سلوۆەنيالىق الياج بەدەنەمەن كەزدەسكەن بولاتىن. ءتورت سەتكە سوزىلعان ماتچتا وتانداسىمىز 3:1 ەسەبىمەن (6:4, 7:5, 5:7, 6:4) جەڭىستى ج ۇلىپ الدى.
كەزدەسۋ 2 ساعات 36 مينۋتقا سوزىلعان.
ايتا كەتەلىك, بۇگىن كورتقا شىققان قازاقستاندىق تەننيسشىلەر اراسىنان ميحايل كۋكۋشكين مەن ياروسلاۆا شۆەدوۆا جەڭىلىسكە ۇشىرادى. الەكساندر بۋبليك پەن زارينا دياس كەلەسى اينالىمعا ءوتتى.