چەشەنستان تاۋلارىندا تۋريستەر توبى ءىز-ءتۇسسىز جوعالىپ كەتتى, دەپ حابارلايدى Egemen.kz
وقيعا سۋنجەن اۋدانىنداعى بامۋت اۋىلىنا جاقىن ماڭداعى تاۋلى-ورماندى ايماقتا بولعان. مەكەمە وكىلدەرىنىڭ مالىمەتىنشە, 14 ادام 7 اقپاندا جەكسەنبى كۇنى تاڭدا ورمانعا تورجۋا (پيازدىڭ جابايى ءتۇرى) تەرۋگە شىققان, الايدا سودان كەيىن ولارمەن بايلانىس ۇزىلگەن.
قازىرگى ۋاقىتتا وقيعا ورنىنا قۇتقارۋشىلار اتتانعان, ولاردىڭ اراسىندا كينولوگتار دا بار. ىزدەۋ توبىنىڭ قۇرامىن كوبەيتۋ جوسپارلانعان.
«ادامداردى ىزدەۋ قيىنعا سوعىپ وتىر, ويتكەنى مۇندا ۇيالى بايلانىس تارتپايدى سول سەبەپتى ولاردىڭ سوڭعى رەت قاي جەردەن بايلانىسقا شىققانى بەلگىسىز», دەدى تج وكىلى.
كەيىنىرەك تورجۋا تەرۋگە شىققانداردىڭ تابىلعانى تۋرالى حابار تاراتتى.