وڭتۇستىك قازاقستان وبلىسىنىڭ ورتالىعى – شىمكەنت قالاسىنىڭ كوشەسىندە اسكەري قىزمەتكەردىڭ سومكەسىنەن گراناتا تابىلدى. بۇل تۋرالى «كاراۆان» گازەتى جازدى.
جەرگىلىكتى جەردەگى جانكەلدين كوشەسى بويىندا جۇرگەن بەلگىسىز 3 ازاماتتىڭ سۋىت ءجۇرىسى تۋرالى حابار پوليتسيا بولىمىنە كەلىپ ءتۇستى. قۇقىق قورعاۋ قىزمەتكەرلەرى ولاردى تەكسەرۋ بارىسىندا اسكەري قىزمەتكەردىڭ سومكەسىنەن گراناتا تاركىلەگەن. ارتىنان ونىڭ تانك ۆزۆودونىڭ كومانديرى ەكەنى انىقتالدى.
ازىرگە قۇقىق قورعاۋ قىزمەتكەرلەرى ۇستالعان كۇدىكتىلەردىڭ ەسىمىن جاريالاعان جوق. تەك ولار الگى سومكەنىڭ ىشىندە گاناتامەن بىرگە قولعاپتىڭ جانە مەديتسينادا قولداناتىن بەت پەردەنىڭ بولعانىن ايتتى.
قازىر وسى ىسكە قاتىستى قىلمىستىق ءىس قوزعالىپ, تەرگەۋ امالدارى جۇرگىزىلۋدە. سوندىقتان ناقتى قورىتىندى جاساۋ ءالى ەرتەرەك.
باقىتبەك كەنەش ۇلى.
دەرەككوز: «كاراۆان»
فوتو: «كاراۆان».