پرەمەر-مينيستر اسقار مامين 5 اقپاندا «تسيفرلىق الماتى» فورۋمى بارىسىندا ەلدەگى تسيفرلىق تەحنولوگيالاردىڭ دامۋى تۋرالى ايتتى, دەپ جازادى Egemen.kz.
–پاندەميادا قازاقستان ەكونوميكاسى تۇراقتىلىقتىڭ جەتكىلىكتى دەڭگەيىن كورسەتتى. حالىقتى ينتەرنەتپەن قامتۋ 99% قۇرايدى. جالپى, ونلاين رەجيمىندە الۋعا بولاتىن مەملەكەتتىك قىزمەتتەردىڭ ۇلەسى 93 پايىزعا جەتكىزىلدى. ەلەكتروندى ساۋدانىڭ كولەمى ەكى ەسەگە ءوستى, قولما-قول اقشاسىز تولەمدەردىڭ كولەمى ءۇش ەسەگە ءوستى. بەس جىل ىشىندە بارلىق وبلىس ورتالىقتارى مەن رەسپۋبليكالىق ماڭىزى بار قالالار 5G جەلىسىمەن قامتىلاتىن بولادى, – دەدى قازاقستان پرەمەر-ءمينيسترى.
ول سونىمەن قاتار ەكونوميكانىڭ بارلىق سالالارىندا تسيفرلاندىرۋ قارقىنىن جەدەلدەتۋدى جانە حالىقتىڭ ءومىرىن پاندەميانىڭ ماڭىزدى تەندەنتسيالارىنىڭ ءبىرى رەتىندە اتاپ ءوتتى.
وسىلايشا, مەملەكەتتىك ينستيتۋتتار تسيفرلىق شەشىمدەردى ەنگىزۋدى جەدەلدەتتى, ال قاشىقتاعى فورماتتاردىڭ كەڭ تارالۋى قوعامنىڭ فۋنكتسيالارىن تۇراقتاندىرۋعا مۇمكىندىك بەردى.
- ناتيجەسىندە ءبىز تسيفرلىق ەكونوميكا كولەمىنىڭ ۇلعايۋىنا كۋا بولدىق. دۇنيەجۇزىلىك ينستيتۋتتاردىڭ مالىمەتتەرى بويىنشا 2020 جىلى IT-تەحنولوگيالارعا جۇمسالاتىن قارجى كولەمى 3,9 ترلن دوللاردان استى.
بۇلتتى ەسەپتەۋ نارىعى 20% ءوستى. 2023 جىلعا قاراي بۇل كورسەتكىش 600 ميلليارد دوللاردان اسادى, دەپ مالىمدەدى پرەمەر-مينيستر.