ەۋرازيالىق دامۋ بانكىندە (ەدب) ەۋرازيالىق ەكونوميكالىق وداقتىڭ (ەاەو) تسيفرلىق قۇزىرەتتىلىك ورتالىعى قۇرىلادى. بۇل ۇسىنىستى قازاقستاننىڭ پرەمەر-ءمينيسترى, ەادب كەڭەسىنىڭ توراعاسى اسقار مامين «تسيفرلىق الماتى» فورۋمى كەزىندە جاسادى. ونى بارلىق ەاەو ەلدەرىنىڭ ۇكىمەت باسشىلارى قولدادى, دەپ جازادى Egemen.kz .
ەدب باسقارما توراعاسى نيكولاي پودگۋزوۆ ەۋرازيالىق دامۋ بانكى مۇنداي ميسسياعا تولىقتاي دايىن ەكەنىن ايتتى. قازىردىڭ وزىندە تسيفرلىق تەحنولوگيالار سالاسىنداعى كاسىبيلىگىمىزدى تانىتتىق.
-ءبىز ەاەو تسيفرلىق ينتەگراتسياسى ءۇشىن نە قاجەت ەكەنىن جانە ونى قالاي جۇزەگە اسىرۋ كەرەكتىگىن تۇسىنەمىز, - دەدى ەدب باسقارما توراعاسى نيكولاي پودگۋزوۆ.
بۇعان دەيىن نيكولاي پودگۋزوۆ ەاەو «ساياسي امبيتسيالارسىز» ەكونوميكالىق وداق بولىپ قالا الا ما دەگەن سۇراققا دا جاۋاپ بەرگەن.
– ءبىزدىڭ ەسىمىزدە, ەۋرازيالىق وداق يدەياسى ءبىرىنشى رەت 1994 جىلى 29 ناۋرىزدا ماسكەۋ مەملەكەتتىك ۋنيۆەرسيتەتىندە قازاقستاننىڭ تۇڭعىش پرەزيدەنتىنىڭ سويلەگەن سوزىندە ەڭ جوعارى دەڭگەيدە ايتىلدى, – دەدى نيكولاي پودگۋزوۆ.