كەشە استانادا كەدەندىك وداق جانە بىرىڭعاي ەكونوميكالىق كەڭىستىك اياسىنداعى ەلدەردىڭ ورتالىق بانكتەرى باسشىلارىنىڭ وسى قارجى ۇيىمدارىنىڭ ۆاليۋتالىق ساياساتى بويىنشا التىنشى كونسۋلتاتسيالىق كەڭەسى ءوتتى. وعان ەلىمىز ۇلتتىق بانكى توراعاسى قايرات كەلىمبەتوۆ, رەسەي فەدەراتسياسى ورتالىق بانكى ءتورايىمى ە.نابيۋللينا جانە بەلارۋس ورتالىق بانكى ءتورايىمى ن.ەرماكوۆا قاتىستى.
كەشە استانادا كەدەندىك وداق جانە بىرىڭعاي ەكونوميكالىق كەڭىستىك اياسىنداعى ەلدەردىڭ ورتالىق بانكتەرى باسشىلارىنىڭ وسى قارجى ۇيىمدارىنىڭ ۆاليۋتالىق ساياساتى بويىنشا التىنشى كونسۋلتاتسيالىق كەڭەسى ءوتتى. وعان ەلىمىز ۇلتتىق بانكى توراعاسى قايرات كەلىمبەتوۆ, رەسەي فەدەراتسياسى ورتالىق بانكى ءتورايىمى ە.نابيۋللينا جانە بەلارۋس ورتالىق بانكى ءتورايىمى ن.ەرماكوۆا قاتىستى.
باسقوسۋدا وسى ەلدەردىڭ قارجى نارىقتارىن رەتتەۋ بويىنشا ۇلتۇستىلىك ورگاننىڭ قۇرىلۋى جانە كەدەندىك وداق پەن بەك قۇقىقتىق-كەلىسىم بازاسى بويىنشا ماسەلەلەردى ۇيلەستىرۋ جايلارى تالقىلاندى.
«وتىرىستا ءبىز ءبىر-ءبىرىمىزدى ىشكى باعامدىق, ۆاليۋتالىق جانە قارجىلىق-نەسيەلىك ساياساتتاعى وزگەرىستەر جايىندا حاباردار ەتتىك. جالپى, ەلدەردەگى ەكونوميكالىق وسىمدەردىڭ مۇمكىندىكتەرى جونىندە جانە ينفلياتسيا بويىنشا اقپارات الماستىق. سونداي-اق, رەزەرۆتەر جاعدايىن دا قاراستىردىق. بيىلعى ۇلتتىق بانكتىڭ جيىنتىق رەزەرۆى ۇلتتىق قوردىڭ قارجىسىمەن بىرگە 93 ملرد. اقش دوللارىنان اسسا, جۋىق ارادا بۇل كورسەتكىش 100 ملرد. اقش دوللارىنا جەتپەك», – دەدى جيىننان كەيىن جۋرناليستەرگە سۇحبات بەرگەن ۇلتتىق بانك توراعاسى قايرات كەلىمبەتوۆ. سونىمەن قاتار, ول بيىل ەلىمىزدىڭ ەكونوميكالىق ءوسىمى 6 پايىزعا جەتىپ, ال ينفلياتسيا كورسەتكىشى 5 پايىز مولشەرىندە قالىپتاساتىندىعىن دا ايتا كەتتى.
كونسۋلتاتسيالىق كەڭەستىڭ جەتىنشى جيىنى كەلەر جىلدىڭ العاشقى توقسانىندا رەسەي فەدەراتسياسىندا وتكىزىلەدى دەپ كۇتىلۋدە.
«ەگەمەن-اقپارات».