وسىعان دەيىن قازاقستاننىڭ قازاق كومىرىن رەسەي جەرى تاسىمالداۋ تۋرالى ۇسىنىسىنا رەسەي ۇنسىزدىك تانىتىپ كەلگەن بولاتىن, دەپ جازادى Egemen.kz.
رەسەي فەدەراتسياسى ەۋرازيالىق ەكونوميكالىق وداققا قازاقستاننىڭ ۇستىنەن شاعىم ءتۇسىرىپ, تەمىر شيكىزاتى جەتكىزىلمەي قالعانىندا «قازاقتار وداق شارتتارىن ورىنداماي جاتىر» دەپ بىردەن قازاقستاننىڭ ۇستىنەن ەاەو-عا شاعىمداندى. ال ساراپشىلار بولسا رەسەيلىك كومپانيالار «شيكىزات تاسىمالىن ازايتۋ ارقىلى قازاقستان دايىن ءونىم ەكسپورتىن وسىرەدى» دەپ قاۋىپتەنەتىنىن, نارىقتا ولارعا باسەكەلەس كەرەك ەمەس ەكەنىن ەسكەرتىپ كەلگەن بولاتىن.
وتكەن جىلدار ىشىندە قازاقستان رەسەيگە جىلىنا 1 ملن توننا رۋدانى تۇراقتى تۇردە بەرىپ وتىرعان. بىراق 2020 جىلى جاعداي وزگەردى – بار بولعانى 300 مىڭ توننا عانا ساتىپپىز. بىراق قارا مەتالل تاسىمالى توقتاعانىمەن, دايىن بولات ونىمدەرى قاز-قالپىندا جەتكىزىلە بەرىپتى. يندۋستريا جانە ينفروقۇرىلىمدىق دامۋ مينيسترلىگى بولسا, تاسىمالعا تىيىم سالىنباعانىن ايتادى. تەك كولىكپەن عانا تاسۋعا بولمايدى ەكەن.
– قارا جانە ءتۇستى مەتالل قالدىقتارىنىڭ ەكسپورتىنا قاتىستى وزگە تىيىمدار جوق. مەتاللۋرگيا – قازاقستان ەكونوميكاسىنىڭ نەگىزگى سالالارىنىڭ ءبىرى. ەل ەكونوميكاسىنا قاتتى كەرى اسەر ەتكەن كورونوۆيرۋسقا بايلانىستى پايدا بولعان جاعدايدى ەسەپكە الا وتىرىپ, وتاندىق كاسىپكەرلەردى قولداپ, ولاردىڭ ىركىلىستەرىن ازايتۋ – ماڭىزدى شارا», - دەيدى يندۋستريا جانە ينفراقۇرىلىمدىق دامۋ مينيسترلىگىنىڭ رەسمي وكىلى ماديار ۋاقپاەۆ.
ۇكىمەت ءبىرىنشى ورىنعا وتاندىق كاسىپورىنداردى قويىپ وتىرعانى بەلگىلى. سەبەبى ىشكى قاجەتتىلىكتى قاناعاتتاندىرماي, سىرتقا رۋدا تاسۋ قيسىنسىز. ەەك مۇشەلەرىنىڭ ءتورت كوزى تۇگەل وتىرعاندا وسى ماسەلەنى كۇن تارتىبىنە شىعارىپ, جاۋاپ الىپ قالۋعا تىرىستىق.
ەەك ىشكى نارىقتار, اقپاراتتاندىرۋ, اقپاراتتىق جانە كوممۋنيكاتسيالىق تەحنولوگيالار جونىندەگى القا مۇشەسى (مينيستر) گەگام ۆاردانيان ناق وسى ماسەلەگە كەلگەندە جوققا شىعاراتىن ەشتەڭە جوق دەپ جاۋاپ بەردى. گ: ۆاردانيان بۇل ماسەلە 2018 جىلدان بەرى تالقىلانىپ كەلە جاتقانىن, تەمىر سىنىقتارىن كولىكپەن ەمەس, تەمىر جول تاسىمالى ارقىلى تاسىمالدانسىن دەگەن بۇيرىق شىققان سوڭ ماسەلەنىڭ جاڭا سيپاتقا يە بولعانىن ايتتى. بۇل, ءمينيستردىڭ بايلامى بويىنشا شەشىمى ۇزاق ۋاقىتتى الاتىن كۇردەلى پروبلەمالاردىڭ ءبىرى ەكەن.
– كومىر ءترانزيتى تۋرالى اڭگىمە بولعان كەزدە, بۇل ماسەلە, ونىڭ ىشىندە مۇددەلى تاراپتاردىڭ سۇرانىسى بويىنشا, بىرنەشە رەت كەيىنگە شەگەرىلدى. كەلىسسوزدەر ءجۇرىپ جاتتى, ماسەلە ەكىجاقتى دەڭگەيدە تالقىلاندى. باسىمدىقتار جوق, تەك سۇراقتار ءار ءتۇرلى جانە ءار ءتۇرلى كۇردەلىلىككە يە. سوندىقتان بۇل ماسەلەنى ءالى دە بولسا زەرتەتۋ كەرەك. سونىمەن قاتار, ەلدەردىڭ ءوزى كونسۋلتاتسيالار وتكىزۋدى ءجيى سۇرايدى, بۇل ۋاقىتتى الادى », - دەپ جاۋاپ بەردى باسقارما مۇشەسى.
ول سونداي-اق تيىمدىلىك ءۇشىن تۇزەتۋلەر مەن ۋاقىت شەكتەۋلەرى ەنگىزىلگەنى تۋرالى ەسكەرتىپ ءوتتى.
– مەن جاقىندا ءبىز جاڭا جۇمىس ادىستەمەسىن جۇزەگە اسىرعانىمىزدى اتاپ وتكىم كەلەدى. بىزگە 70 كۇن ىشىندە كەلىپ تۇسەتىن سۇراقتار كەڭەستىڭ قاراۋىنا ۇسىنىلۋى كەرەك. جۇمىس بارىسى كەزىندە ەشقانداي الالاۋشىلىق, پروبلەمالاردى جوققا شىعارۋشىلىق تا بولمايدى بولمايدى. سونداي-اق ەشقانداي الالاۋشىلىق بولمايدى, سايكەسىنشە جوققا شىعاراتىن ەشتەڭە دە جوق, دەپ تۇيىندەدى مينيستر.