قازاقستاندا نەوناتولوگ دارىگەرلەرگە ارنالعان تەگىن بەينە-كۋرستاردىڭ ونلاين پلاتفورماسى پايدا بولدى. «AYALA ونلاين-اكادەمياسى» – بۇل نەوناتولوگيا, بالالار رەانيماتولوگياسى, جاڭا تۋعان نارەستەلەر پاتولوگياسى جانە شالا تۋعان سابيلەردى باعىپ-كۇتۋگە ماماندانعان قازاقستاندىق دارىگەرلەردىڭ بىلىكتىلىگىن ارتتىرۋعا كومەكتەسەتىن تەگىن بەينە-كۋرستار پلاتفورماسى. جوبانى AYALA قايىرىمدىلىق قورى «شەۆرون» كومپانياسىمەن بىرلەسە وتىرىپ جۇزەگە اسىرادى, دەپ حابارلايدى Egemen.kz
جوبانىڭ ماقساتى – قازاقستاندىق وزىق تاجىريبەنى مەن ىڭعايلى ونلاين-تەحنولوگيالاردى قولدانا وتىرىپ, اۋىر جاعدايدا تۋعان نارەستەلەردى ەمدەۋدىڭ يننوۆاتسيالىق ادىستەرىن ەنگىزۋ. پلاتفورما جىلىنا بىرنەشە مىڭ مەديتسينا قىزمەتكەرىنقوسىمشا كاسىپتىك بىلىممەن قامتۋعا مۇمكىندىك بەرەدى.
ء«بىزدىڭ قور 14 جىل بويى قازاقستانداعى سابيلەر مەن بالالار ءولىمىن ازايتۋ ءۇشڭن جۇمىس ىستەپ كەلەدى. ونىڭ ىشىندە وتاندىق دارىگەرلەردىڭ بىلىكتىلىگىن ارتتىرۋ دا بار», دەپ اتاپ ءوتتى AYALA قايىرىمدىلىق قورىنىڭ پرەزيدەنتى ايدان سۇلەيمەنوۆا.
«شەۆرون» كومپانياسىنىڭ وكىلى ءلايلا ايتمۇحانوۆا: «جاھاندىق پاندەميا مەديتسينا قىزمەتكەرلەرى ءۇشىن ءبىلىم مەن وزدىگىنەن ءبىلىم الۋدىڭ ماڭىزدىلىعىن كورسەتتى, سونداي-اق بۇكىل الەمدەگى دەنساۋلىق ساقتاۋ جۇيەسىندە ەلەۋلى وزگەرىستەردى تالاپ ەتتى. ءبىز قازاقستانداعى الەۋمەتتىك باعدارلامالارىمىزدى العاشقىلاردىڭ ءبىرى بولىپ قايتا قۇرىلىمداپ, پاندەميا كەزەڭىندە مەديتسينا كادرلارىن دايارلاۋ سالاسىندا كوپتەگەن باعدارلامالاردى جۇزەگە اسىرعانىمىزدى ماقتان تۇتامىز», دەيدى.
جىل سايىن AYALA قورىنىڭ تەگىن كۋرستارىنان قازاقستاننىڭ پەريناتالدىق ورتالىقتارى مەن پەرزەنتحانالارىنىڭ 150-گە جۋىق دارىگەرى وتەدى. جوبانى جۇزەگە اسىرۋ بارىسىندا 500-دەن استام مەديتسينا قىزمەتكەرى وقىتىلدى. الايدا, ەگەر قر-دا جۇمىس ىستەيتىن پەدياترلار مەن نەوناتولوگتاردىڭ جالپى ستاتيستيكاسىن الاتىن بولساق, بۇل 8 پايىزدان اسپايدى. سوندىقتان ونلاين-اكادەميا وقۋعا قاتىساتىن مەديتسينا كادرلارىن قامتۋدى ارتتىرۋ مىندەتىن قويىپ وتىر.
جوبانىڭ تاعى ءبىر مىندەتى دارىگەرلەردى وقىتۋعا بارىنشا قولايلى جاعداي تۋعىزۋ. ويتكەنى ولاردىڭ ارقايسىسى ءبىلىمىن ارتتىرۋ ءۇشىن جەكە ۋاقىت پەن باعدارلامانى تاڭداي الادى.
پلاتفورمادا «وكپەنى جاساندى جەلدەتۋ» جانە «سۋرفاكتانتتاردى ەنگىزۋ» اتتى 2 بەينە كۋرس ورنالاستىرىلعان. ولاردى قازاقستان مەن رەسەيدىڭ جوعارى ساناتتى پراكتيك-دارىگەرلەرى – تالعات جورابەك ۇلى تولىقباەۆ پەن اندرەي پەتروۆيچ اۆەرين ازىرلەدى.
كۋرستار بلوكتارعا بولىنگەن, بۇل ماتەريالدى تەز يگەرۋگە كومەكتەسەدى. تىركەۋدەن كەيىن ءدارىس 2 اي بويى اشىق, قول جەتىمدى بولعاندىقتان, كۋرستان ءتىپتى جۇمىس ورنىندا وتۋگە بولادى, ونى كىشىگىرىم ۇزىندىلەرمەن تىڭداپ, قاجەت بولعان جاعدايدا جازباعا قايتا ورالادى. ءار دارىسكە تانىستىرۋ ماتەريالدارى ۇسىنىلادى. اياقتالعاننان كەيىن تىڭداۋشىلار تىكەلەي ەفيردە نەمەسە چاتتا ناقتىلايتىن سۇراق قويا وتىرىپ, دارىسكەردەن كەرى بايلانىس الۋ مۇمكىندىگىنە يە بولادى. سونداي-اق ءاربىر بلوكتان كەيىن جانە كۋرستىڭ سوڭىندا مىندەتتى تەست تاپسىرماسى تۇرىندە مەڭگەرىلگەن ماتەريالدى باقىلاۋ كوزدەلگەن.
الماتى