اتىراۋدا كىلەم تازالاۋ تسەحى ورتەنىپ كەتتى

وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى تاراتقان اقپاراتقا قاراعاندا تاڭعى ساعات  07:18-دە اتىراۋ قالاسىنىڭ ءجالاڭتوس باتىر كوشەسىندە ورنالاسقان كىلەم تازالاۋ تسەحىنىڭ عيماراتىنان ءورت شىققان.

«شاقىرتۋمەن وقيعا ورنىنا دەرەۋ جەتكەن ءورت سوندىرۋشىلەر «ەۆرازيا» كىلەم جۋ تسەحى عيماراتىنىڭ شاتىرى ورتەنگەنىن انىقتادى. ءورت شارپىعان اۋماقتىڭ كولەمى 104 شارشى مەتردى قۇرادى. جەدەل ارەكەت ەتكەن ءورت سوندىرۋشىلەر جالىننىڭ تاعى 221 شارشى مەترگە  تارالۋىنا جول بەرمەي,  30 كىلەم مەن 3 كىلەم جۋعىش اپپاراتتى قاۋىپسىز جەرگە شىعاردى»  دەپ حابارلادى دەپارتامەنتتىڭ ءباسپاسوز قىزمەتى.

ءورتتى سوندىرۋگە جەكە قۇرامنىڭ 24 قىزمەتكەرى مەن 5 ارنايى تەحنيكا جۇمىلدىرىلدى.

قازىر ءورتتىڭ شىعۋ سەبەبى انىقتالىپ جاتىر.