پرەزيدەنتتىڭ تاپسىرماسىنا سايكەس جەرگىلىكتى قامتۋعا قاتىستى وڭىرلەردە تەكسەرۋ وتكىزىلەدى, دەپ حابارلايدى Egemen.kz
جەرگىلىكتى قامتۋعا قاتىستى وڭىرلەردە كوشپەلى تەكسەرۋلەر وتكىزىلەدى. بۇل تۋرالى ۇكىمەت وتىرىسىندا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى.
ونىڭ ايتۋىنشا, پرەزيدەنتتىڭ جەرگىلىكتى قامتۋ ۇلەسىنە قاتىستى سىنىنا وراي وڭىرلەرگە كوشپەلى تەكسەرۋلەر ۇيىمداستىرۋ ءۇشىن مەملەكەتتىك ورگانداردىڭ وكىلدەرىمەن جۇمىس توبى ۇيىمداستىرىلادى. وتاندىق تاۋارلاردىڭ, جۇمىستار مەن قىزمەتتەردىڭ قولدانىلۋىن راستايتىن بارلىق كونكۋرستىق قۇجاتتار تەكسەرىلەدى.
«بۇگىنگى تاڭدا جەرگىلىكتى قامتۋ ۇلەسىنىڭ كورسەتكىشتەرى پاۆلودار, اقتوبە, باتىس قازاقستان وبلىستارىندا تومەن بولىپ وتىر. بۇل رەتتە, وڭىرلەرگە قاتىستى ناقتى كورىنىستى تەكسەرۋ قورىتىندىلارى بويىنشا كورەمىز», دەدى ول.
مينيستر جۇمىسپەن قامتۋ جول كارتاسىنىڭ اياسىندا 7 وڭىردە وتاندىق ونىمدەردى قولدانۋ كورسەتكىشى 90 پايىزدان تومەن ەكەندىگىن باسا ايتتى.
«اتاپ ايتقاندا, الماتى, قىزىلوردا, ماڭعىستاۋ (80%), قوستاناي, پاۆلودار وبلىستارىندا جانە شىمكەنت, نۇر-سۇلتان قالالارىندا», دەدى بەيبىت اتامقۇلوۆ.