بيىل الماتىنىڭ الاتاۋ اۋدانىندا 34 جوبا ىسكە اسىرىلادى. 2020 جىلى الاتاۋ اۋدانىندا 176 000 اعاش وتىرعىزىلعان. الاتاۋ اۋدانىنىڭ اكىمى ا.قالدىبەكوۆ مالىمدەدى, دەپ حابارلايدى Egemen.kz
بۇگىن الماتىدا اۋدان اكىمدەرىنىڭ ەسەپ بەرۋ كەزدەسۋلەرى باستالدى. الاتاۋ اۋدانىنىڭ اكىمى ا.قالدىبەكوۆ ءبىرىنشى بولىپ اۋداندى كوگالداندىرۋ جانە اباتتاندىرۋ جۇمىستارى تۋرالى باياندادى.
«جۇمىسپەن قامتۋدىڭ جول كارتاسى» باعدارلاماسى اياسىندا وتكەن جىلى 15 جوبا ىسكە اسىرىلدى, بيزنەستىڭ الەۋمەتتىك جاۋاپكەرشىلىگى باعدارى اياسىندا قازىرگى تاڭدا, قوسىمشا 6 فۋتبول, 3 ۆوركاۋت جانە 6 جەكپە-جەك الاڭدارى سالىنۋدا», دەدى اۋدان اكىمى.
وجەت, بورالداي مەن زەردەلى ىقشاماۋداندارىندا جاسىل اۋماقتار مەن دەمالىس ورىندارىن سالۋدىڭ جوبالىق-سمەتالىق قۇجاتتارى ازىرلەنىپ جاتقانىن ايتىپ ءوتتى.
2020 جىلى الاتاۋ اۋدانىندا 176 000 اعاش وتىرعىزىلدى. بيىل تاعى 100 مىڭنان اسا اعاش وتىرعىزۋ جوسپارلانعان.
الماتى اكىمى ب.ساعىنتاەۆتىڭ تاپسىرماسىمەن قالادا العاش رەت «بيۋدجەتكە قاتىسۋ» باعدارلاماسى قولعا الىنعان بولاتىن. وسى باعدارلاما بويىنشا بيىل الاتاۋ اۋدانىندا تۇرعىندار ۇسىنعان 34 جوبا ىسكە اسىرىلادى.
«بيۋدجەتكە قاتىسۋ» باعدارلاماسى بويىنشا وجەت, بورالداي, دارحان, تەرەكتى, كوك قاينار, 13-14-اۋماق سياقتى بىرقاتار ىقشاماۋدانداردا بالالار ويىن الاڭدارى سالىنىپ, ساياباقتار اباتتاندىرىلادى», دەدى ا. قالدىبەكوۆ.
ەسەپتىك كەزدەسۋ بارىسىندا اۋدان اكىمى تۇرعىنداردىڭ اۋلالاردى اباتتاندىرۋ, جوندەۋ, الەۋمەتتىك ينفراقۇرىلىمدى دامىتۋ بويىنشا قويعان سۇراقتارىنا جاۋاپ بەردى. اۋدان تۇرعىندارى ءوز ساۋالدارىن «الاتاۋ كرەاتيۆ حابىندا», اۋدان اكىمدىگى جانە توميريس ىقشاماۋدانداعى كىتاپحانادا جابدىقتالعان زۋم بولمەلەرى ارقىلى قويدى. ەسەپ بەرۋ كەزدەسۋى «الماتى» تەلەارناسىندا جانە الەۋمەتتىك جەلىلەردىڭ تىكەلەي ەفيردە كورسەتىلدى.