ارنايى وپەراتسيا كەزىندە ءىرى مولشەردەگى ەسىرتكى مەن قارۋ تاركىلەندى

استانا قالاسى پد ءباسپاسوز قىزمەتى 29 قاڭتاردا ەسىرتكى وتكىزۋ كەزىندە جامبىل وبلىسىنىڭ 37 جاستاعى تۋماسى ۇستالعانىن حابارلادى. ارنايى وپەراتسيا بارىسىندا ودان اڭ اۋلايتىن اكسۋ اۆتوماتى مەن ەلۋگە جۋىق پاترون تاركىلەندى. ءىس بويىنشا ساراپتاما تاعايىندالدى.

«ۇستالعان ازاماتتىڭ ءۇيىن, اۆتوكولىگىن ءتىنتۋ بارىسىندا ءۇش پوليەتيلەن پاكەت پەن "ماريحۋانا" سالىنعان بەس ورالعان تۇيىنشەك, 7 440 000 تەڭگە سوماسىنداعى اقشالاي قاراجات تاركىلەندى. الىنعان ەسىرتكى زاتتارىنىڭ جالپى سالماعى ءۇش كەلى. ودان تۇتىنۋ ءۇشىن 300-دەن اسا «ماريحۋانا» دوزاسىن الۋعا بولادى. باعاسى «قارا نارىقتا» اقشالاي بالامادا التى ميلليون تەڭگە», دەلىنگەن حابارلامادا.

قر قك-ءنىڭ 296-بابى 4-بولىگى "اسا ءىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ" جانە قر قك-ءنىڭ 287-بابى 3-بولىگى "اتىس قارۋىن (تەگiس ۇڭعىلى اڭشىلىق قارۋىنان باسقا), وق-دارiلەردi, جارىلعىش زاتتاردى نەمەسە جارىلىس قۇرىلعىلارىن زاڭسىز يەمدەنۋ, بەرۋ, وتكiزۋ, ساقتاۋ, تاسىمالداۋ نەمەسە الىپ ءجۇرۋ" بويىنشا سوتقا دەيىنگى تەرگەۋ جۇرگىزىلىپ جاتىر. ۇستالعان ادام نۇر-سۇلتان قالاسى پد ۋاقىتشا ۇستاۋ يزولياتورىنا قامالدى.