اتىراۋدا «قاۋىپسىز جول» جەدەل-پروفيلاكتيكالىق ءىس-شاراسىنىڭ ءبىر كۇنىندە جول ەرەجەسىن بۇزعان 458 جۇرگىزۋشى جاۋاپقا تارتىلدى.
وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆتىڭ مالىمەتىنشە, «قاۋىپسىز جول» ءىس-شاراسى 26-30 قاڭتار ارالىعىندا ءوتىپ جاتىر.
ء«بىر كۇندە جۇرگىزۋشىلەر تاراپىنان جولدا ءجۇرۋ ەرەجەسىن بۇزۋعا قاتىستى 458 دەرەك انىقتالدى. ونىڭ ىشىندە بەلگىلەنگەن جىلدامدىق مولشەرىن ارتتىرعان 72, كولىك قۇرالىن پايدالانۋ كەزىندە ۇيالى تەلەفونمەن سويلەسكەن 36, قاۋىپسىزدىك بەلدىگىن پايدالانۋ ەرەجەسىن بۇزعان 69, الكوگولدى ماساڭ كۇيدە كولىك قۇرالىن باسقارعان 21 دەرەك تىركەلدى. سونداي-اق, جاياۋ جۇرگىنشىگە جول بەرمەگەن 56, قۇجاتسىز كولىك قۇرالىن باسقارعان 51, مانەۆر قاعيداسىن بۇزعان 16 دەرەككە قاتىستى جۇرگىزۋشىلەرگە حاتتاما تولتىرىلدى. ايىپتىلار اكىمشىلىك جاۋاپكەرشىلىككە تارتىلدى» دەيدى دەپارتامەنت باستىعى قامزا ۇمبەتقاليەۆ.