Informburo.kz اقپاراتتىق-ساراپتامالىق ينتەرنەت پورتالىنىڭ باس رەداكتورى ميحايل دوروفەەۆ قايتىس بولدى, دەپ حابارلايدى Egemen.kz.
قر اقپارات جانە قوعامدىق دامۋ ءمينيسترى ايدا بالاەۆا تانىمال قازاقستاندىق جۋرناليست ميحايل دوروفەەۆتىڭ قايتىس بولۋىنا بايلانىستى ونىڭ جاقىندارىنا, تۋىستارىنا جانە ارىپتەستەرىنە كوڭىل ايتتى.
«بۇگىن تانىمال باق-تاردىڭ ءبىرى informburo.kz جەتەكشىسى, ۇلتتىق قوعامدىق سەنىم كەڭەسىنىڭ مۇشەسى, جارقىن ءارى دارىندى ادام ميحايل دوروفەەۆتىڭ ومىردەن وزعانىن ەستىدىم. ءميحايلدى جەكە تانيتىن ەدىم, ونىڭ ومىردەن وزۋى – وتاندىق جۋرناليستيكا ءۇشىن وتە اۋىر قازا. ونىڭ كوپتەگەن دوستارى بولدى, ءبارى ونى جاقسى كوردى جانە قۇرمەتتەدى, كاسىبي جانە ادامي قاسيەتتەرىن قادىرلەدى. ءبارىمىز ونى ساعىناتىن بولامىز. جەكە ءوز اتىمنان جانە اقپارات جانە قوعامدىق دامۋ مينيسترلىگىنىڭ اتىنان ميحايل دوروفەەۆتىڭ تۋىستارى مەن جاقىندارىنا جانە ارىپتەستەرىنە قايعىرا كوڭىل ايتامىن», - دەپ جازدى ايدا بالاەۆا Facebook جەلىسىندە.
م. دوروفەەۆ جۋرناليستيكاداعى جولىن اتىراۋ وبلىسىندا باستاپ, رەسپۋبليكالىق مەديادا – كتك تەلەارناسىندا, «ەكسپرەسس ك», «گورود» جانە «مەگاپوليس» گازەتتەرىندە (باس رەداكتوردىڭ ورىنباسارى) جالعاستىرعان. رەسپۋبليكالىق تەلەارنالاردا باسشىلىق قىزمەتتەر اتقاردى, ونىڭ ىشىندە «استانا ق. تەلەۆيزياسى» جشس باس ديرەكتورى جانە «ەرا» تەلەكومپانياسى» جشس باس پروديۋسەرى بولىپ جۇمىس ىستەگەن. ءار جىلدارى «پورترەت نەدەلي» (كتك), «فورمۋلا ليچنوستي» (قازاقستان, استانا-تۆ), «تەما» («استانا» تەلەارناسى), «وتكرىتىي ديالوگ» (حابار) تەلەۆيزيالىق باعدارلامالارىنىڭ جۇرگىزۋشىسى بولدى.