بۇگىن وبلىستىڭ باس سانيتار دارىگەرى مادەنيەت تاناۋوۆ جاڭا قاۋلىعا قول قويدى. وندا ءى كۋرس ستۋدەنتتەرىنىڭ شتاتتىق رەجيمدە وقۋىنا رۇقسات بەرىلىپ وتىر.
ء«داستۇرلى فورماتتاعى كونتينگەنتى 300 وقۋشىعا دەيىنگى قالالىق جانە اۋىلدىق مەكتەپتەردە سىنىپتارداعى بالالار سانى 15 ادامعا دەيىن, جالپى ءبىلىم بەرەتىن مەكتەپتەردە كەزەكشى سىنىپتاردا 1-دەن 5-سىنىپقا دەيىن قوسا العاندا, حالىقارالىق مەكتەپتەردە 7-سىنىپقا دەيىن قوسا العاندا اتا-انالاردىڭ ءوتىنىشى بويىنشا 15 بالادان اسپايتىن سىنىپتاردىڭ جيناقتالۋىن ساقتاي وتىرىپ, وقىتۋعا رۇقسات ەتىلسىن» دەلىنگەن قاۋلىدا.
سونداي-اق, ءبىلىم بەرۋ مەكەمەسى اكىمشىلىگىنىڭ شەشىمىمەن ساباقتان تىس ۋاقىتتا 5 ادامنان اسپايتىن توپتاردا وقۋشىلاردى جەكە وقىتۋعا, ءبىتىرۋشى سىنىپتار ءۇشىن (9, 11 (12) سىنىپتار) اپتانىڭ 6 كۇنىندە ارالاس وقىتۋعا, سونىڭ ىشىندە پاندەردىڭ 70%-ىن شتاتتىق رەجيمدە, 30%-ىن قاشىقتان وقىتۋعا رۇقسات بەرىلدى.
ال, تەحنيكالىق جانە كاسىبي ءبىلىم بەرۋ ۇيىمدارىنىڭ (كوللەدجدەر) ءى كۋرس ستۋدەنتتەرى مەن جوعارى وقۋ ورىندارىنىڭ ء ى كۋرس ستۋدەنتتەرىن شتاتتىق رەجيمدە وقىتۋعا رۇقسات ەتۋگە شەشىم قابىلدانىپ وتىر.
اتالعان قاۋلى 1 اقپاندا ساعات 00:00-دە كۇشىنە ەنەدى.