ەلوردادا پتر-تەستىلەۋدى وتكىزۋ ءۇشىن تاۋلىگىنە 12 مىڭنان استام زەرتتەۋ جۇرگىزەتىن 23 زەرتحانا جۇمىس ىستەيدى. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ حابارلادى.
"جالپى سانى 2100 ادامنان تۇراتىن كادرلىق رەزەرۆ قالىپتاستىرىلدى. كوروناۆيرۋس ينفەكتسياسى بار ناۋقاستاردى دياگنوستيكالاۋ جانە ەمدەۋ بويىنشا مەديتسينالىق قىزمەتكەرلەردى وقىتۋ جۇرگىزىلدى. سۇزگى-كابينەتتەر ءوز جۇمىسىن جالعاستىرۋدا, پاتسيەنتتەردى قاشىقتان باقىلاۋ كۇشەيتىلدى" دەدى ت.مۇراتوۆ.
ول سونداي-اق وكپەنىڭ جاساندى جەلدەتكىشى, كت, رەنتگەن اپپاراتتارى جەتكىلىكتى, وتتەگى رەزەرۆۋارلارى مەن شامدار ورناتىلعانىن ايتتى.