بۇگىن كۇندىزگى ساعات 10.40. شاماسىندا ورال-اتىراۋ تاس جولىنىڭ العاباس ەلدىمەكەنىنە بۇرىلىسى تۇسىندا 5 كولىك سوقتىعىسىپ, ءبىر ادام قايتىس بولعان. تاعى ەكى ادام جاراقات العان دەپ حابارلايدى Egemen.kz.
جول اپاتى جونىندە پوليتسيا دەپارتامەنتىنىڭ كەزەكشى بولىمىنە قوڭىراۋ 10.39.-دا ءتۇسىپتى. وقيعا ورنىنا كەزەكشى ەكيپاجداردان بولەك, جەدەل تەرگەۋ توبى دا جەتكەن.
جول-كولىك وقيعاسىندا Lada granta, Volkswagen Passat, Toyota Camry, ۆاز -2114 جانە Chevrolet Aveo جەڭىل كولىكتەرى زارداپ شەككەن. Lada granta-دا وتىرعان جولاۋشى, 1962 جىلى تۋعان ەر ادام وقيعا ورنىندا قازا تاپقانى بەلگىلى بولدى. جاراقات العان تاعى ءۇش ادام اقجايىق اۋداندىق اۋرۋحاناسىنا جەتكىزىلگەن. جولاۋشىلار بۇگىن كۇننىڭ تۇمان, جولدىڭ تايعاق ەكەنىن ايتۋدا. قازىر اپات سەبەبى انىقتالۋدا. الدىن الا زەرتتەۋلەرگە قاراعاندا, Chevrolet Aveo اۆتوكولىگى جولدىڭ قارسى بەتىنە شىعىپ كەتىپ, Lada granta-مەن سوقتىعىسقان. وسى وقيعا بويىنشا قىلمىستىق كودەكستىڭ 345 بابى بويىنشا ءىس قوزعالدى.
ورال-اتىراۋ كۇرە جولى رەسپۋبليكالىق ماڭىزى بار جول سانالعانىمەن, ەكى-اق جولاعى بار. جول اپاتى ءجيى بولادى. جەرگىلىكتى بيلىك ورىندارى بۇل جولدىڭ ورال-چاپاەۆ ەلدىمەكەندەرىنىڭ اراسى كەڭەيتىلىپ, 4 جولاققا اينالاتىنىن حابارلاعان بولاتىن.
پوليتسيا دەپارتامەنتىنىڭ حابارلاۋىنشا, جىل باسىنان بەرى باتىس قازاقستان وبلىسىندا 12 جول-كولىك وقيعاسى بولىپ, 5 ادام قازا تاپقان.