سايلاۋ قارساڭىندا اۋرۋحاناعا جەتە الماي, جەدەل تولعاق قىسقان جاس انانى سايلاۋ ۋچاستوگىنىڭ ىرگەسىندەگى مەدپۋنكتتە امان-ەسەن بوساندىرىپ العان ماعجان جۇماباەۆ اۋدانى پوليتسيا ءبولىمىنىڭ قىزمەتكەرى, پوليتسيا كاپيتانى ولگا كانگوزينا تۋرالى «ەق» جازعان ەدى. جۋىردا ول ءىىم «قۇقىقتىق ءتارتىپتى ساقتاۋعا قوسقان ۇلەسى ءۇشىن» مەدالىمەن ناگرادتالدى.
تەرگەۋشى بولىپ جۇمىس ىستەيتىن بەس جىل ىشىندە قىلمىسكەرلەرمەن بەتپە-بەت كەزدەسۋگە, مايىتتەردى كورۋگە جانە قىزمەتتەگى وزگە دە پسيحولوگيالىق قيىن ساتتەرگە ەتى ۇيرەنگەن ولگا, بۇل وقيعانىڭ ول ءۇشىن ەڭ قيىن سىناق بولعانىن ايتادى. اتالعان جايت تۋرالى اقپارات تەك باق-تا عانا ەمەس, الەۋمەتتىك جەلىلەردە دە ونى تانىمال كەيىپكەرگە اينالدىردى. «بۇل تەك مەنىڭ عانا ەمەس, مەديتسينا قىزمەتكەرلەرىنىڭ دە ەڭبەگى, - دەيدى ولگا. – مەديتسينا قىزمەتكەرلەرى مەن پوليتسەيلەر ءۇشىن باستى ماقسات – جەرلەستەرىمىزدىڭ ءومىرى, دەنساۋلىعى مەن اماندىعى».
سولتۇستىك قازاقستان وبلىسى