ا. مامين جۇمىس ساپارىمەن ماڭعىستاۋ وبلىسىنا باردى

ءوڭىر اكىمى سەرىكباي ترۇموۆ, ەنەرگەتيكا ءمينيسترى نۇرلان نوعاەۆ, اۋىل شارۋاشىلىعى ءمينيسترى ساپارحان وماروۆ, ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ, ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ, يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ, قارجى ءبىرىنشى ۆيتسە-ءمينيسترى بەرىك شولپانقۇلوۆ, مادەنيەت جانە سپورت ۆيتسە-ءمينيسترى عابيدوللا ءابدىراحىموۆ,  پرەمەر-ءمينيستردىڭ ورىنباسارى رومان سكليار بايانداما جاسادى.

جاڭاوزەن قالاسىندا قۋاتتىلىعى 1 ملرد تەكشە مەترگە دەيىن بولاتىن جاڭا گاز وڭدەۋ زاۋىتىن سالۋ, ءوڭىردىڭ قولدانىستاعى ماگيسترالدىق جانە تاراتۋشى گاز جەلىلەرىن رەكونسترۋكتسيالاۋ ماسەلەلەرى تالقىلاندى.

ماڭعىستاۋ وبلىسىنىڭ حالقىن اۋىز سۋمەن قامتاماسىز ەتۋ شەڭبەرىندە «كاسپي» تۇششىلاندىرۋ زاۋىتىن قايتا جاڭارتۋ جانە كەڭەيتۋ (ونىمدىلىگى تاۋلىگىنە 40 مىڭ تەكشە مەترگە دەيىن ارتتىرىلاتىن بولادى), «قاراجانباس» قۋاتىن تاۋلىگىنە 17 مىڭ تەكشە مەترگە ۇلعايتۋ, جاڭاوزەن قالاسىن سۋمەن قامتاماسىز ەتۋ ماسەلەلەرىن شەشەتىن جانە قۋاتى تاۋلىگىنە 50 مىڭ تەكشە مەترگە جەتەتىن «كەندىرلى» تۇششىلاندىرۋ زاۋىتىن سالۋ جۇزەگە اسىرىلادى. قوسىمشا سۋمەن جابدىقتاۋ مەن كارىزدىڭ جاڭا جەلىلەرى سالىنادى, كتق قايتا جاڭارتىلىپ, جالپى قۋاتى تاۋلىگىنە 70 مىڭ تەكشە مەترگە دەيىن جەتكىزىلەدى.

بيىل «اقتاۋ-فورت شەۆچەنكو» جولىن قايتا جاڭارتۋدى اياقتاۋ جوسپارلانۋدا, قاجەتتى ينجەنەرلىك كوممۋنيكاتسيالاردى جۇرگىزە وتىرىپ, 1,3 ملن شارشى مەتر تۇرعىن ءۇي سالىناتىن بولادى.

2021 جىلدىڭ ناۋرىز ايىندا «قوشقار-اتا» قالدىق قويماسىن قالپىنا كەلتىرۋ باستالادى. جوبا ءۇش جىل ىشىندە اياقتالادى جانە تاريحي قالدىقتاردى ورنالاستىرۋمەن بايلانىستى ەكولوگيالىق پروبلەمانى شەشۋگە مۇمكىندىك بەرەدى.

ماڭعىستاۋ وبلىسىنىڭ ازىق-ت ۇلىك قاۋىپسىزدىگىن ارتتىرۋ ماسەلەلەرى قارالدى. وڭىردە بىرقاتار اوك ينۆەستيتسيالىق جوبالارى ىسكە اسىرىلۋدا. سونىڭ ءبىرى — قۋاتى جىلىنا 5 مىڭ توننا قۇس ەتىن وندىرەتىن «اقتاۋ اگرو» جوباسى. ونى ا. ج. II توقسانىندا ىسكە قوسۋ جوسپارلانعان. جوبانى جۇزەگە اسىرۋ ءوڭىردىڭ قۇس ەتىمەن قامتاماسىز ەتىلۋىن 45%-عا دەيىن ارتتىرۋعا مۇمكىندىك بەرەدى.

ماڭعىستاۋ وبلىسىنىڭ حالقىنىڭ جۇمىسپەن قامتىلۋىن قامتاماسىز ەتۋ جانە تابىسىن ارتتىرۋ, ەڭبەك نارىعىنىڭ قازىرگى جاعدايىن ەسكەرە وتىرىپ, تۋريستىك سەكتور ءۇشىن جەرگىلىكتى كادرلاردى دايارلاۋ ماسەلەلەرى تالقىلاندى.

2020 جىلدىڭ قورىتىندىسى بويىنشا ماڭعىستاۋ وبلىسىنىڭ نەگىزگى كاپيتالىنا سالىنعان ينۆەستيتسيالار 2019 جىلمەن سالىستىرعاندا 2,9%-عا – 576,4 ملرد تەڭگەگە دەيىن ءوستى. قۇرىلىس جۇمىستارىنىڭ كولەمى 206,3 ملرد تەڭگەنى قۇرادى (+12,2%), 1,19 ملن شارشى مەتر تۇرعىن ءۇي پايدالانۋعا بەرىلدى (+1,5%).

ماڭعىستاۋ وبلىسى قازاقستاننىڭ پەرسپەكتيۆالى تۋريستىك ايماقتارىنىڭ توپ-10 قۇرامىنا كىرەدى. 2020 جىلى تۋريزم سالاسىنداعى نەگىزگى كاپيتالعا سالىنعان ينۆەستيتسيالار كولەمى 71,8 ملرد تەڭگەگە جەتتى. بيىل ماڭعىستاۋ وبلىسىنىڭ تۋريستىك ينفراقۇرىلىمىن دامىتۋعا 400 ملرد تەڭگەدەن استام ينۆەستيتسيا تارتۋ كوزدەلگەن.

«جاڭا جۇمىس ورىندارىن قۇرۋعا, حالىقتىڭ تۇرمىس ساپاسى مەن ءال-اۋقاتىن ارتتىرۋعا ىقپال ەتەتىن دامۋدىڭ جاڭا جوبالارىنا ينۆەستيتسيالار تارتۋ كولەمىن ۇلعايتۋ قاجەت», — دەدى ا. مامين.

جۇمىس ساپارى اياسىندا ا. مامين اقتاۋ قالاسىنىڭ كۋرورتتىق ايماعىن دامىتۋ جوبالارىنىڭ (Fairmont, Double Tree by Hilton, Aqualina Resort برەندتەرىمەن قوناق ۇيلەر, تاقىرىپتىق ويىن-ساۋىق پاركى) ىسكە اسىرىلۋىن تەكسەرىپ, جوسپارلانعان ينفراقۇرىلىم قۇرىلىسىنىڭ ۋاقىتىلى اياقتالۋىن قامتاماسىز ەتۋدى تاپسىردى.