ۇكىمەت باسشىسىنىڭ ورىنباسارى ەرالى توعجانوۆ اقپارات جانە قوعامدىق دامۋ مينيسترلىگىنە قاتىستى تاپسىرمالاردى جاريا ەتتى, دەپ حابارلايدى Egemen.kz
«2021 جىلعا ارنالعان باسىمدىقتى باعىتتار بار. بۇل باعىتتار مينيسترلىك قىزمەتىندە اتقارىلاتىن باستى جۇمىستار بولادى. بىرىنشىدەن, مەملەكەت باسشىسى «حالىق ۇنىنە قۇلاق اساتىن مەملەكەت» تۇجىرىمداماسىن ارى قاراي جۇزەگە اسىرۋ بويىنشا ناقتى مىندەتتى جۇكتەدى», دەدى ە.توعجانوۆ.
ەرالى توعجانوۆتىڭ ايتۋىنشا, بۇل باعىتتا قوعامدىق باقىلاۋ تۋرالى زاڭ جوباسىن ازىرلەۋ ماڭىزدى قادام رەتىندە بەلگىلەندى.
«بۇل ماسەلە بويىنشا قازىرگى كەزدە تىڭعىلىقتى جۇمىستار ءجۇرىپ جاتىر. مينيسترلىك قوعاممەن تىعىز بايلانىستا جۇمىس ىستەپ, وسى باعىتتا ۇسىنىلعان پىكىرلەردى ەسكەرۋ كەرەك. بۇل ماڭىزدى جوبا بويىنشا سىزدەرمەن, سونداي-اق دەپۋتاتتىق كورپۋسپەن بىرلەسە جۇمىس ىستەيمىز. بىرقاتار ماسەلە بويىنشا تالقىلاۋ ءجۇرىپ جاتىر, سوندىقتان مينيسترلىك وسىعان ەرەكشە نازار اۋدارۋى ءتيىس», دەدى ەرالى توعجانوۆ.