بۇگىنگى اقپارات جانە قوعامدىق دامۋ مينيسترلىگىنىڭ القالى وتىرىسىندا ايدا بالاەۆا «ونلاين/وفلاين» فورماتتاردا «وڭىرلەردەگى مينيسترلىك كۇندەرى» ۇيىمداستىرىلاتىنىن جاريا ەتتى, دەپ حابارلايدى Egemen.kz
اقپارات جانە قوعامدىق دامۋ ءمينيسترى الداعى اپتادان باستاپ قانداي ءىس-شارالار ۇيىمداستىرىلاتىنىن تىلگە تيەك ەتتى.
«دەسە دە, بۇل تۋرالى حالىقتىڭ, اسىرەسە, وڭىرلەردەگى جۇرتشىلىقتىڭ كەڭىنەن ءبىلىپ, بار ماسەلەمەن بولىسكەنى دۇرىس», دەدى مينيستر.
ايدا بالاەۆانىڭ ايتۋىنشا, كەلەسى اپتادان باستاپ ەل الدىنا شىعىپ, ونلاين/وفلاين فورماتتاردا «وڭىرلەردەگى مينيسترلىك كۇندەرىن» ۇيىمداستىرۋدى جوسپارلاپ جاتىر.
«بارشاڭىزعا ءمالىم, مەملەكەت باسشىسى قاسىم-جومارت كەمەل ۇلىنىڭ «حالىقتىڭ ۇنىنە قۇلاق اساتىن مەملەكەت» تۇجىرىمىن قالىپتاستىرۋ – ءاربىر مەملەكەتتىك ورگاننىڭ تىكەلەي مىندەتى. ارينە, بۇل كونتسەپتسيا مەملەكەت تەك «تىڭداۋشى» عانا ەمەس, قاجەت اقپاراتقا جالپاق جۇرتتىڭ قولىن جەتكىزىپ, ءاردايىم ءوزارا بايلانىستا بولۋدى كوزدەيدى. بۇنىڭ ءبارى, ءسوز جوق, حالىققا ءبىر تابان جاقىنداۋدا 2020 جىلعا بەرەتىن وڭ باعا دەپ بىلەمىن», دەدى ا. بالاەۆا.