2020 جىلدىڭ قورىتىندىسى بويىنشا قر ەڭبەكمينىنىڭ ەڭبەك, الەۋمەتتىك قورعاۋ جانە كوشى-قون كوميتەتىنىڭ وڭىرلىك دەپارتامەنتتەرى جۇرگىزگەن تەكسەرۋلەر بارىسىندا 886 وبەكتىدە مۇگەدەكتىگى بار ادامداردىڭ الەۋمەتتىك جانە كولىك ينفراقۇرىلىمىنا قول جەتكىزۋىن قامتاماسىز ەتۋ بويىنشا بۇزۋشىلىقتار انىقتالدى.
2020 جىلى مەملەكەتتىك باسقارۋ, دەنساۋلىق ساقتاۋ, مادەنيەت جانە كولىكتىك قىزمەت كورسەتۋ سالالارىنداعى وبەكتىلەردە بۇزۋشىلىقتاردى انىقتاۋ بويىنشا 970 باقىلاۋ ءىس-شاراسى وتكىزىلدى. ونىڭ ىشىندە 886 وبەكتىدە مۇگەدەكتىگى بار ادامدار ءۇشىن قولجەتىمدى ورتانى قامتاماسىز ەتۋ تۇرعىسىنان تەكسەرۋ جۇرگىزىلدى. بۇل رەتتە 604 تەكسەرۋ جوسپارلى پروفيلاكتيكالىق باقىلاۋ جانە 282-ءسى جوسپاردان تىس, ياعني ازاماتتاردىڭ بەرگەن وتىنىشتەرى نەگىزىندە جۇرگىزىلدى.
تەكسەرۋ ناتيجەسىندە مۇگەدەكتىگى بار ادامداردى الەۋمەتتىك قورعاۋ جانە ولارعا ارناۋلى الەۋمەتتىك قىزمەت كورسەتۋ سالاسىندا انىقتالعان بۇزۋشىلىقتاردى جويۋعا 699 نۇسقاما بەرىلدى, ولاردىڭ 86-سى بويىنشا جالپى سوماسى 21,2 ملن تەڭگەگە اكىمشىلىك ايىپپۇلدار سالىندى.
قازاقستاندا بارلىعى 35 158 الەۋمەتتىك ينفراقۇرىلىم وبەكتىسى بار, ونىڭ ىشىندە 34 784 وبەكتىدە 2020 جىلى جەرگىلىكتى اتقارۋشى ورگاندار مۇگەدەكتىگى بار ادامدار ءۇشىن قولجەتىمدى ورتانى ۇيىمداستىرۋ تۇرعىسىنان پاسپورتتاۋ جۇرگىزدى. ايتا كەتۋ كەرەك, پاسپورتتالعان 25 777 (75%) وبەكت بەيىمدەلۋگە ءتيىس. اعىمداعى جىلعى 1 قاڭتارداعى جاعداي بويىنشا ولاردىڭ 25 711-ءى بەيىمدەلگەن.