ەلوردادا 2020 جىلى 100-دەن استام ينۆەستيتسيالىق جوبانى ىسكە اسىرۋعا قولداۋ كورسەتىلدى, دەپ حابارلايدى Egemen.kz
قالا اكىمدىگى 2020 جىلى ينۆەستيتسيالىق كەڭەستەر وتكىزۋ ەسەبىنەن رەكوردتىق 1,1 ترلن تەڭگە جەكە ينۆەستيتسيالار تارتتى. نۇر-سۇلتاندا قوعامدىق كەڭەستىڭ وتىرىسىندا ينۆەستورلار قانداي جوبالارعا قارجى سالىپ جاتقانى تۋرالى قالا اكىمىنىڭ ورىنباسارى ماليكا بەكتۇروۆا ءمالىم ەتتى.
2020 جىلى ينۆەستيتسيالار جونىندەگى وڭىرلىك كەڭەس 111 ينۆەستيتسيالىق جوباعا قولداۋ كورسەتتى. بۇل 18 مىڭنان استام جۇمىس ورنىن اشۋعا مۇمكىندىك بەردى.
سول سياقتى 30-دان استام ءبىلىم بەرۋ جوباسىن ىسكە اسىرۋ باستالدى, ونىڭ ىشىندە 29 مەكتەپ, 4 بالاباقشا, 1 كوللەدج, مەديتسينا سالاسىنداعى 7 جوبا, 6 سپورتتىق جانە 41 ونەركاسىپتىك جوبا بار.
2020 جىلى ەلوردانىڭ ونەركاسىپتىك كاسىپورىندارى تاريحتا العاش رەت 2,4% وسىممەن 1 ترلن تەڭگەدەن استام ءونىم شىعاردى. ونەركاسىپ كولەمىنىڭ نەگىزگى ۇلەسىن وڭدەۋ ونەركاسىبى قۇرايدى.
وتكەن جىلى 10 جاڭا ءوندىرىس, وندا1000-عا جۋىق جاڭا تۇراقتى جۇمىس ورنى قۇرىلدى.