اقپاراتقا قول جەتكىزۋ ماسەلەلەرى جونىندەگى كوميسسيا وتىرىسى ءوتتى

ونلاين فورماتتاعى جيىنعا مەملەكەتتىك جانە جەرگىلىكتى اتقارۋشى ورگاندار مەن ۇكىمەتتىك ەمەس جانە باسقا دا ۇيىمداردىڭ وكىلدەرى قاتىستى. ونداعى ماقسات اقپاراتقا قول جەتكىزۋ سالاسىنداعى زاڭنامانىڭ نوۆەللالارىن تانىستىرىپ, كەڭىنەن ءتۇسىندىرۋ.

ەستەرىڭىزگە سالا كەتەيىك, 2020 جىلدىڭ 30 جەلتوقسانىندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويعان ەدى. وندا «اقپاراتقا قول جەتكىزۋ تۋرالى» زاڭىنا بىرقاتار تۇزەتۋلەر ەنگىزىلگەن بولاتىن. مينيستر ايدا بالاەۆا وسىعان وراي اقپارات جانە قوعامدىق دامۋ مينيسترلىگى اقپاراتقا قول جەتكىزۋ سالاسىنداعى ۋاكىلەتتى ورگان رەتىندە مەملەكەتتىك ورگانداردىڭ زاڭ تالاپتارىن ورىنداۋىنا مونيتورينگ جۇرگىزۋ بويىنشا جۇرگىزىلىپ جاتقان جۇمىستى كۇشەيگەنىن اتاپ ءوتتى.  

جيىن بارىسىندا اقپارات جانە قوعامدىق دامۋ ۆيتسە-ءمينيسترى بايانداما جاسادى. بولات تلەپوۆ  نەگىزگى بۇل تاقىرىپتا نەگىزگى ەكى ماسەلەگە نازار اۋدارۋ قاجەتتىگىن اتاپ ءوتتى.  العاشقىسى - ء اربىر مەملەكەتتىك ورگاندا اقپاراتقا قول جەتكىزۋ ماسەلەلەرى بويىنشا ۋاكىلەتتى تۇلعانى نەمەسە بولىمشەنى ايقىنداۋ بولسا, ەكىنشىسى  اقپاراتقا قول جەتكىزۋ سالاسىنىڭ جاي-كۇيى تۋرالى جىل سايىن مەملەكەت باسشىسىنا ەسەپ ەنگىزۋ ماسەلەسى.

وسى تۇرعىدا ينيسترلىكپەن اۋقىمدى اقپاراتتىق-ءتۇسىندىرۋ جۇمىستارى جۇرگىزىلىپ, مەملەكەتتىك ورگانداردىڭ جاۋاپتى قىزمەتكەرلەرى ءۇشىن سەمينارلار ۇيىمداستىرىلاتىنى تۋرالى ايتىلدى.

ونلاين جيىندا ءماسليحاتتار قىزمەتىنىڭ اشىقتىعى ماسەلەسى دە قالىس قالمادى. اقپارات جانە قوعامدىق دامۋ مينيسترلىگى وبلىستاردىڭ, نۇر-سۇلتان, الماتى جانە شىمكەنت قالالارى ءماسليحاتتارىنىڭ سايتتارىنا تالداۋ جاسادى. ساراپتاۋ ناتيجەسى سايتپەن جۇمىس ىستەۋدەگى كەمشىلىكتەردىڭ از ەمەس ەكەنىن كورسەتتى. ماسەلەن اتىراۋ وبلىسىنىڭ ءماسليحاتىندا جەكە ينتەرنەت-رەسۋرسى جوق بولسا, اقتوبە, جامبىل, باتىس قازاقستان جانە قوستاناي وبلىستارىنىڭ ءماسليحاتتارى سايتتا اقپاراتتى ۋاقىتىلى جاڭارتپايتىنى بەلگىلى بولدى. سونداي-اق 9 ءماسليحاتتا ونلاين-ترانسلياتسيا جازبالارى ورنالاستىرىلماعان.

وبلىستارداعى وسىنداي كەمشىلىكتەرگە قاتىستى عالامتور اقپارات الۋدىڭ نەگىزگى كوزىنە اينالعانىن ەسكەرىپ, مەملەكەتتىك ورگانداردىڭ سايتتارىنداعى اقپاراتتى ۋاقتىلى جاڭارتۋ وتە ماڭىزدى ەكەنى ءسوز بولدى.

بۇل  ماسەلەگە قاتىستى ۇلتتىق ەكونوميكا مينيسترلىگىنىڭ وكىلى انار بايتۋكەنوۆا دا ءۇن قوستى. بارلىق دەڭگەيدەگى ءماسليحات وتىرىستارىن مىندەتتى ونلاين-ترانسلياتسيالاۋدى ەنگىزۋ بويىنشا جۇرگىزىلىپ جاتقان جۇمىستار تۋرالى بايانداعان ول 2022 جىلدىڭ قاڭتارىنا قاراي وتىرىستاردىڭ ونلاين-ترانسلياتسياسىن بارلىق ءماسليحاتتاردا ەنگىزىلەتىنىن اتاپ ءوتتى.

ايتا كەتەيىك, بۇل جۇمىس پرەزيدەنت جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ 142-تارماعى شەڭبەرىندە جۇرگىزىلۋدە.

وتىرىس قورىتىندىسى بويىنشا كوميسسيا مەملەكەتتىك ورگاندارعا «اقپاراتقا قول جەتكىزۋ تۋرالى» زاڭعا ەنگىزىلگەن وزگەرىستەردى ىسكە اسىرۋعا, سونداي-اق ءماسليحاتتار قىزمەتىنىڭ اشىقتىعىن ارتتىرۋعا باعىتتالعان بىرقاتار ۇسىنىمدار ازىرلەندى.