وسى اپتادا الماتىداعى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ بالالار ونكولوگياسى ورتالىعىنا بايان ماقساتقىزى كەلىپ, ساۋاپتى ىسكە مۇرىندىق بولدى, دەپ حابارلايدى ەgemen.kz
وكىنىشكە وراي, سوڭعى ۋاقىتتا وبىر كەسەلى بەلەڭ الىپ تۇر. قاتەرلى ىسىككە شالدىققاندار اراسىندا بالالار دا بار. ال, دەرتتى بالالارعا ءتيىمدى ەم-دوممەن قاتار, پسيحولوگيالىق تۇرعىداعى كومەكتىڭ ءوزى دە وراسان دەمەۋ. وسى اپتادا الماتىداعى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ بالالار ونكولوگياسى ورتالىعىنا بايان ماقساتقىزى كەلىپ, ساۋاپتى ىسكە مۇرىندىق بولدى.
بايان ماقساتقىزى بالالار ونكولوگياسى ورتالىعىنا جاڭا تەرموپوتتار, ميكروتولقىندى پەشتەر, تەلەديدار, كوپ فۋنكتسيالى قۇرىلعى, ادەمى توسەك جاپقىشتار جانە ەمدەلىپ جاتقان بالالارعا باسقا دا قاجەتتى جانە پايدالى سىيلىقتاردى سىيعا تارتتى.
قازوجرعزي بالالار ونكولوگياسى ورتالىعىندا كىشكەنتاي پاتسيەنتتەر حيميو-جانە ساۋلەلىك تەراپيا الىپ ەمدەلەدى. بۇل ورتالىق قازوجرعزي-دا 1979 جىلى اشىلعان جانە وسى جىلدار ىشىندە وندا مىڭداعان بالالار ەمدەلىپ شىقتى.
بيىلعى جىلى بالالار ونكولوگياسى ورتالىعى تولىق جوندەۋدەن ءوتتى-وندا جايلى جانە جارىق پالاتالار جاسالىپ, جەلدەتۋ جۇيەسى مەن سانتەحنيكا تولىعىمەن وزگەرتىلدى, قابىرعالار مەن ەدەندەر ارنايى مەديتسينالىق ماتەريالمەن قاپتالدى, بالالار الاڭى جابدىقتالدى جانە ورتالىقتىڭ بارلىق جەرلەرىنە اۋديوجۇيە ورناتىلىپ, جاڭا جيھاز ساتىپ الىندى, سونىمەن قاتار, مۇگەدەكتەر اربالارىن كوتەرۋ ءۇشىن ارنايى ليفت ورناتىلدى.
جوندەۋ جۇمىستارىنا كەرەكتى 70 ميلليون تەڭگەنى بەلگىسىز بولىپ قالۋدى قالاعان الماتىلىق كاسىپكەر بەرىپ وتىر.
سونداي-اق, بيىلعى جىلى اتالمىش ورتالىقتا Samsung كومپانياسىنىڭ اتىنان جاسالعان سمارت-بولمە پايدا بولدى, وندا بالالار ينتەرنەت ارقىلى, روبوتوتەحنيكامەن جانە باسقا دا قىزىقتى نارسەلەرمەن اينالىسا الادى.
سونىمەن قاتار, قازوجرعزي-دىڭ بالالار ونكولوگياسى ورتالىعىنا «اميلا» قوعامدىق قورى مەن «Help Today» قوعامدىق قورىنىڭ ەرىكتىلەرى دە كوپ جىلدار بويى ءوز ۇلەستەرىن قوسۋدا.