جەڭىل جولمەن تابىس تابۋدى كوزدەگەن ايەل وزگەنىڭ قالتاسىنا سۇعاناق قولىن سالۋدى كاسىپ ەتىپتى. وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قولىنىڭ سۇعاناعى بار ايەل بيىلعى 4-15 قاڭتاردا فيتنەس ورتالىقتىڭ بىرىنەن بىرنەشە رەت اقشا ۇرلاپتى.
«اتىراۋ قالالىق پوليتسيا باسقارماسىنا ق.ساتپاەۆ كوشەسىندە ورنالاسقان فيتنەس ورتالىقتا جاتتىعاتىن 5 جىگىت قوماقتى كولەمدە اقشا ۇرلانعانى جونىندە ارىز ءتۇسىردى. ولارعا كەلتىرىلگەن قارجىلاي شىعىننىڭ كولەمى 159 000 تەڭگەنى قۇرادى. وسىعان وراي تەكسەرۋ جۇرگىزگەن پوليتسيا قىزمەتكەرلەرى ۇرلىققا قاتىسى بار 31 جاستاعى ازاماتشانى انىقتاپ, ۇستادى. كۇدىكتى ارىزدانۋشىلاردىڭ اقشاسىن جىمقىرىپ كەلگەن», دەپ حابارلادى دەپارتامەنتتىڭ ءباسپاسوز قىزمەتى.
قازىر ۇستالعان كۇدىكتىگە قاتىستى قر قىلمىستىق كودەكسىنىڭ 188-بابىنىڭ 1 جانە 3-بولىگىمەن سوتقا دەيىنگى تەرگەۋ ءجۇرىپ جاتىر.