كوروناۆيرۋسقا قارسى ۆاكتسيناتسيا ازاماتتاردىڭ كەلىسىمىمەن ەرىكتى تۇردە جاسالادى جانە 18 جاسقا تولماعان بالالارعا ەكپە سالىنبايدى. بۇل تۋرالى دەنساۋلىق ساقتاۋ مينيسترلىگىنە سىلتەمە جاساپ Egemen.kz حابارلايدى.
بۇگىن قر دەنساۋلىق ساقتاۋ مينيسترلىگىنە قر دسم سانيتارلىق-ەپيدەميولوگيالىق باقىلاۋ كوميتەتىنىڭ وكىلدەرى مەكتەپ جاسىنداعى بالالاردى ۆاكتسيناتسيالاۋ ماسەلەلەرى بويىنشا ازاماتتاردىڭ وتىنىشىنە بايلانىستى COVID-19 ۆاكتسيناتسياسىنىڭ ءتارتىبى مەن ەرەجەسىن ءتۇسىندىردى. «حالىق دەنساۋلىعى تۋرالى» كودەكستىڭ 77-بابى نەگىزىندە كەز كەلگەن ەكپە, ونىڭ ىشىندە كوروناۆيرۋس ينفەكتسياسىنا قارسى ۆاكتسيناتسيا ەرىكتى تۇردە جۇزەگە اسىرىلادى. ازاماتتار ۆاكتسيناتسيادان جازباشا تۇردە باس تارتۋعا قۇقىلى.
18 جاسقا تولماعان بالالار مەن 65 جاستان اسقان ادامدارعا ۆاكتسينانىڭ تيىمدىلىگى مەن قاۋىپسىزدىگى تۋرالى مالىمەت جوق, سوندىقتان بۇل جاستاعىلارعا ەكپە سالىنبايدى. كۆي-گە قارسى ۆاكتسيناتسيا ەپيدەميولوگيالىق ماڭىزدىلىعىن ەسكەرە وتىرىپ, كەزەڭ-كەزەڭىمەن تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جۇرگىزىلەدى.
1 اقپاندا باستالاتىن ءبىرىنشى كەزەڭدە ينفەكتسيالىق اۋرۋحانا, جەدەل مەديتسينالىق جاردەم, رەانيماتسيا جانە قابىلداۋ بولمەلەرى, سانەپيدقىزمەتتىڭ مەديتسينا قىزمەتكەرلەرى ۆاكتسيناتسيالانا الادى. 1 ناۋرىزدا باستالاتىن ەكىنشى كەزەڭدە جالپى ءبىلىم بەرەتىن مەكتەپتەردىڭ, جوو-دىڭ, پەداگوگتەر, مەديتسينالىق قىزمەت قىزمەتكەرلەرى. 1 ساۋىردەن باستاپ ءۇشىنشى كەزەڭدە: مەكتەپ-ينتەرناتتاردىڭ, مەكتەپكە دەيىنگى بالالار مەكەمەلەرىنىڭ پەداگوگتارى, ستۋدەنتتەر جانە سوزىلمالى اۋرۋلارى بار ادامدار ەگۋ سالدىرادى.