ەۋرازيالىق ەكونوميكالىق كوميسسيا القاسى زەرگەرلىك بۇيىمداردى سىناۋعا, تالداۋعا جانە ماركالاۋعا قويىلاتىن تالاپتاردى ماقۇلدادى جانە ەۋرازيالىق ەكونوميكالىق وداق شەڭبەرىندە جىلجىتىلعان زەرگەرلىك بۇيىمدار وندىرىسىندەگى بۇزۋشىلىقتاردىڭ تىزبەسىن بەكىتتى, - دەپ جازادى Egemen.kz ەەك تاراتقان اقپاراتتارعا سىلتەمە جاساپ.
ەەك ءمينيسترى گەگام ۆاردانيان قابىلدانعان قۇجاتتار بيزنەس ءۇشىن ماڭىزدى كومپونەنت بولىپ تابىلاتىن زەرگەرلىك بۇيىمداردىڭ ءوزارا ساۋداسىندا قولايلى جاعدايلار جاساۋعا مۇمكىندىك بەرەدى جانە تۇتىنۋشىلارعا ءونىمدى ساتىپ الۋ قاۋىپسىز بولا الاتىنىن ايتتى.
ونىڭ پايىمداۋىنشا, بۇل شەشىم وسى سالاداعى ەڭ جاقسى الەمدىك تاجىريبەگە, ونىڭ ىشىندە 2019 جىلدىڭ 22 قاراشاسىنداعى ەاەو شەڭبەرىندە باعالى مەتالدارمەن جانە اسىل تاستارمەن وپەراتسيالار جۇرگىزۋ ەرەكشەلىكتەرى تۋرالى كەلىسىمدە كورسەتىلگەن قادام.
وسىلايشا, كوميسسيا جەدەل تۇردە ەۋرازيالىق ينتەگراتسيالىق بىرلەستىكتىڭ ىشكى نارىعىندا زەرگەرلىك بۇيىمدارمەن ءوزارا ساۋدادا تالداۋ بەلگىلەرىن ءوزارا تانۋ ءۇشىن قاجەتتى جاعدايلار جاسايدى.
كوميسسيا كەڭەسى ادال مۇشەلىك سۋبەكتىلەردى قورعاۋعا باعىتتالعان ءبىر مۇشە مەملەكەتتەن ەكىنشى مەملەكەتكە اۋىسقان زەرگەرلىك بۇيىمدار مەن باسقا دا بۇيىمداردى وندىرۋگە قويىلاتىن تالاپتاردى بۇزۋ تىزبەسىن بەكىتتى. قۇجات وداق اۋماعىندا بۇزۋشىلىقتارمەن جىلجىتىلاتىن زەرگەرلىك بۇيىمدار مەن باسقا زاتتارعا قاتىستى ءتيىستى تەكسەرۋ شارالارىن جۇرگىزۋدىڭ مينيمالدى قاجەتتى شارتتارىن انىقتاۋعا مۇمكىندىك بەرەدى.
قۇجات قابىلدانعاننان كەيىن, مۇشە مەملەكەتتەردىڭ ۋاكىلەتتى ورگاندارى ۇلتتىق زاڭنامالارعا سايكەس ولاردى جويۋ بويىنشا قاجەتتى شارالاردى قولدانۋ ماقساتىندا شەكاراارالىق ساۋداداعى بۇزۋشىلىقتار تۋرالى ءبىر-بىرىمەن اقپارات الماسادى.
ەسكە سالا كەتەيىك, 2019 جىلدىڭ 22 قاراشاسىنداعى ەۋرازيالىق ەكونوميكالىق وداق شەڭبەرىندە باعالى مەتالدار مەن اسىل تاستارمەن وپەراتسيالاردى جۇرگىزۋ ەرەكشەلىكتەرى تۋرالى كەلىسىمدى رەسەي, بەلارۋسسيا جانە ارمەنيا راتيفيكاتسيالاعان.