FlyArystan لوۋكوستەرى 2021 جىلى ناۋرىزدا بەس جاڭا اۋەرەيسىن ىسكە قوسۋدى جوسپارلاپ وتىر. اقتاۋ, اتىراۋ جانە شىمكەنتتەن تىكەلەي رەيستەر قولجەتىمدى بولادى, دەپ حابارلايدى Egemen.kz اۋەكومپانيانىڭ ءباسپاسوز قىزمەتىنە سىلتەمە جاساپ.
اۋەكومپانيا وكىلدەرىنىڭ ايتۋىنشا, ولاردىڭ اۋەفلوتى تاياۋدا سەگىزىنشى Airbus A320 ۇشاعىمەن تولىعادى. بۇل باعىتتار جەلىسىن كەڭەيتۋگە جانە جاڭا 5 باعىت اشۋعا مۇمكىندىك بەرەدى.
اۋە كومپانياعا سەگىزىنشى Airbus A320 قوسىلۋىمەن FlyArystan باعدارلار جەلىسى كەڭەيدى.جاڭا باعىتتار بويىنشا بيلەت ساتىلىمى اشىق:
شىمكەنت – سەمەي نەبارى 7999 تەڭگەدەن (2 مامىردان باستاپ, دۇيسەنبى, سارسەنبى, جۇما جانە جەكسەنبى كۇندەرى);
اقتاۋ – قىزىلوردا 7999 تەڭگەدەن (17 ناۋرىزدان باستاپ, سارسەنبى جانە جەكسەنبى كۇندەرى);
شىمكەنت – اقتوبە 8999 تەڭگەدەن (1 مامىردان باستاپ, سەيسەنبى, بەيسەنبى جانە جەكسەنبى كۇندەرى);
اتىراۋ – تۇركىستان 8999 تەڭگەدەن (28 ناۋرىزدان باستاپ, جۇما جانە جەكسەنبى كۇندەرى);
شىمكەنت – ورال 10999 تەڭگەدەن باستاپ (1 مامىردان باستاپ, سەيسەنبى, بەيسەنبى جانە سەنبى كۇندەرى).
ەسكە سالايىق, لوۋكوستەر وسىعان دەيىن COVID-شەكتەۋلەرىنە بايلانىستى توقتاتىلعان توعىز باعىتتى قالپىنا كەلتىرگەن بولاتىن. وسىلايشا, 34 باعىت بويىنشا بيلەتتەر ساتىلىمى 2021 جىلدىڭ 31 قازانىنا دەيىن اشىق.