قىرعىزستان پرەزيدەنتىنىڭ مىندەتتەرىن اتقارۋشى, جوگوركۋ كەنەش توراعاسى تالانت مامىتوۆ «قىرعىزستان رەسپۋبليكاسىنىڭ قايتا سايلانعان پرەزيدەنتىنىڭ قىزمەتكە كىرىسۋىنە بايلانىستى سالتاناتتى راسىمگە دايىندالۋ جانە وتكىزۋ تۋرالى» جارلىققا قول قويدى. بۇل تۋرالى Egemen.kz «كابار» اقپاراتتىق اگەنتتىگىنە سىلتەمە جاساپ حابارلايدى.
جارلىققا سايكەس, جاڭادان سايلانعان پرەزيدەنتتىڭ قىزمەتكە كىرىسۋىنە بايلانىستى 2021 جىلدىڭ 28 قاڭتارىندا وتەتىن سالتاناتتى راسىمگە دايارلىق جانە ونى وتكىزۋ جونىندەگى ۇيىمداستىرۋ كوميتەتى قۇرىلدى. كەشە قر ورتالىق سايلاۋ كوميتەتى قىرعىزستان رەسپۋبليكاسى پرەزيدەنتىن مەرزىمگە دەيىن سايلاۋ قورىتىندىلارى تۋرالى حاتتامانى بەكىتتى.
داۋىس بەرۋ قورىتىندىلارىنا سايكەس, قر پرەزيدەنتى قىزمەتىنە كانديدات سادىر جاپاروۆ 1 105 248 (79,20 پايىز) داۋىس جينادى, بۇل سايلاۋعا قاتىسقان سايلاۋشىلاردىڭ جارتىسىنان كوبىن قۇراپ وتىر.