وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, كەشە, 14 قاڭتاردا 3 ادامنىڭ جوعالۋ دەرەگى تىركەلگەن, دەپ حابارلايدى Egemen.kz
جىلىوي اۋدانىنداعى «ەسەن-امان» شارۋا قوجالىعىنىڭ ەكى قويشىسى ساعات 15:30 مينۋت شاماسىندا جوعالىپتى. ونىڭ ءبىرى – اقتوبە وبلىسىنىڭ تۇرعىنى, ەكىنشىسى – وزبەكستان رەسپۋبليكاسىنىڭ ازاماتى. ولار شاڭدى داۋىلدا باعىپ جۇرگەن 950 باس قوي مەن 1 باس جىلقىدان ايىرىلىپ , وزدەرى اداسىپ كەتكەن.
«جوعالعان ادامداردى ىزدەۋگە دەپارتامەنتتىڭ اۋداندىق بولىمىنەن 4 قىزمەتكەر مەن «ەسەن-امان» شارۋا قوجالىعىنان 1 ادام «ترەكول» اۆتوكولىگىمەن شىقتى. اۋدان ورتالىعى – قۇلسارى قالاسىنان 70 شاقىرىم قاشىقتاعى «شولتاقاي» ۋچاسكەسىندەگى مال قىستاعىنان راديۋسى 30 شاقىرىمدىق اۋماقتا ىزدەستىرۋ جۇرگىزىلدى. سونىڭ ناتيجەسىندە بۇگىن, 15 قاڭتاردا ساعات 2:50-دە «كازترانسويل» اق-نا قاراستى №3 مۇناي ايداۋ ستانتسياسىنا تارتىلعان ەلەكتر جەلىسىنىڭ 306-باعاناسىنىڭ تۇسىنان جوعالعان 2 ازامات ءتابىلدىى», دەپ حابارلادى دەپارتامەنتتىڭ ءباسپاسوز قىزمەتىنەن.
ال قىزىلقوعا اۋدانىڭ ءبىر تۇرعىنى «داۋلەت» شارۋا قوجالىعىنان جانگەلدين اۋىلىنا بارۋدى كوزدەپ, جولعا شىعىپتى. الايدا «ۋاز» كولىگىنىڭ جانارمايى تاۋسىلىپ, دالادا تۇرىپ قالعان. دىتتەگەن جەرىنە جەت الماعان ازامات «جامانساي» ۋچاسكەسىنىڭ ماڭىنان تابىلدى.