قاراعاندى وبلىسى تەمىرتاۋ قالاسىندا تۇراتىن قاريا ەڭ ۇلكەن شىرشاعا «جارىلعىش زات قويىلدى» دەپ ءتارتىپ ساقشىلارىن اياعىنان تىك تۇرعىزدى. بۇل تۋرالى «31» تەلەارنا حابارلادى.
قالاداعى ساۋدا ۇيلەرى ءبىرىنىڭ الدىنا ورناتىلعان شىرشا ماڭايىنان «جارىلعىش زات» تابىلمادى. ارتىنان جۇرتشىلىقتى ابىگەرگە سالعان 62 جاستاعى ازامات ەكەنى انىقتالدى. ول اراق ىشكەندىكتەن, ازىلگە بوي الدىردىم دەپ اقتالماقشى بولدى. قازىر ونىڭ ۇستىنەن قىلمىستىق ءىس قوزعالىپ, تەرگەۋ امالدارى جۇرگىزىلۋدە. «جەرگىلىكتى جەردە وسىعان ۇقساس ەكى رەت وسىنداي جاعداي بولدى. سول كەزدە كىنالى ازاماتتاردىڭ اكىمشىلىك جاۋاپكەرشىلىككە تارتىلعانىن بىلدىك. مۇنداي كەلەڭسىزدىكتەن بارلىعىمىزدىڭ بەلگىلى ءبىر ۋاقىتتان ۇتىلاتىنىمىز انىق»,-دەيدى ساۋدا ورنىنىڭ قاۋىپسىزدىك قىزمەتىنىڭ باستىعى ۆلاديمير كولەنو.
باقىتبەك كەنەش ۇلى.
دەرەككوز: «31» تەلەارنا