كرەملدە رەسەي مەن ءازىربايجان پرەزيدەنتتەرى ۆلاديمير پۋتين مەن يلحام اليەۆ جانە ارمەنيا پرەمەر-ءمينيسترى نيكول پاشينياننىڭ قاتىسۋىمەن ۇشجاقتى كەزدەسۋ باستالدى, دەپ حابارلايدى Egemen.kz ءتىلشىسى تاسس اگەنتتىگىنە سىلتەمە جاساپ.
بەتپە-بەت كەزدەسۋ جايلى باستامانى رەسەي مەملەكەتىنىڭ باسشىسى كوتەرگەن بولاتىن.
كرەملدىڭ ءباسپاسوز قىزمەتى حابارلاعانداي, تاراپتار ءۇش ەل باسشىلارىنىڭ تاۋلى قاراباق تۋرالى 2020 جىلعى 9 قاراشاداعى مالىمدەمەسىنىڭ ورىندالۋ بارىسىن قاراستىرىپ, ايماقتاعى ماسەلەلەردى شەشۋ جولدارىن تالقىلاۋدى جوسپارلاپ وتىر.
ساياساتكەرلەر اسكەري قيمىلداردان زارداپ شەككەن اۋدانداردىڭ تۇرعىندارىنا كومەك كورسەتۋ ماسەلەلەرىنە, سونداي-اق ساۋدا-ەكونوميكالىق جانە كولىك بايلانىستارىن اشۋ مەن دامىتۋ ماسەلەلەرىنە ەرەكشە نازار اۋدارادى دەپ كۇتىلۋدە.
ەسكە سالا كەتەيىك, پۋتين, اليەۆ جانە پاشينيان تاۋلى قاراباقتاعى اسكەري قيمىلداردى تولىق توقتاتۋ تۋرالى 2020 جىلدىڭ 9 قاراشاسىندا بىرلەسكەن مالىمدەمەگە قول قويعان بولاتىن.