اتىراۋ وبلىسىندا 73 ادام كوروناۆيرۋسقا شالدىقتى

وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى تاراتقان اقپاراتقا سۇيەنسەك, سوڭعى ەكى تاۋلىكتە 127 ادام قاۋىپتى ىندەتتىڭ قارماعىنا ءىلىندى. ماسەلەن, 9 قاڭتاردا  54, ال كەشە, 10 قاڭتاردا 73 ادام كوروناۆيرۋس ينفەكتسياسىن جۇقتىردى.

«سوڭعى ءبىر تاۋلىكتە قاۋىپتى ىندەتكە شالدىققان ناۋقاستاردىڭ 18-ءى اتىراۋ قالاسىندا تىركەلدى. سونداي-اق, تەڭىز كەنىشىندە 50 جۇمىسشىدان, جىلىوي اۋدانىندا – 3, قىزىلقوعادا – 1, قۇرمانعازى اۋدانىندا 1 ادامنان كوروناۆيرۋس انىقتالدى. Covid-19 ۆيرۋسى 16 ناۋقاستا سيمپتومدى تۇردە وتۋدە. وتكەن تاۋلىكتە  كوروناۆيرۋس ينفەكتسياسىنان 53 ادام  ەمدەلىپ شىقتى» دەپ حابارلادى باسقارمانىڭ ءباسپاسوز قىزمەتى.

قازىر ءۇي جاعدايىندا 243 ناۋقاس ەمدەلىپ جاتىر. وبلىستىق ينفەكتسيالىق ستاتسيوناردا 108, اۋداندارداعى ستاتسيونارلاردا 32, تەڭىز كەنىشىندەگى ستاتسيونارداعى ناۋقاستار سانى  812 ادامدى قۇراپ وتىر.