قۇرمانعازى اۋدانىنىڭ ءبىرى قيىرىندا ورنالاسقان اۋىلدىڭ ءبىرى – ۇشتاعان. وسى كەزگە دەيىن مۇندا ءموبيلدى بايلانىس, ينتەرنەت جەلىسى بولماعان ەدى. جاقىندا بۇل ماسەلە وڭ شەشىمىن تاۋىپ, تۇرعىندار وركەنيەت يگىلىگىن كورە باستادى.
بۇل اۋىل اۋدان ورتالىعىنان 200 شاقىرىم قاشىقتا ورنالاسقان. قازىر اتالعان اۋىلدا 711 ادام تۇرادى.
«ۇشتاعان اۋىلىندا 180-گە جەتپەيتىن وقۋشى بار. ولار شاعىن كومپلەكتىلى مەكتەپتە 11 سىنىپقا دەيىن وقيدى. وتكەن جىلدىڭ قىركۇيەك ايىنان بەرى وقۋشىلار وفلاين فورماتتا ءبىلىم الۋدا», دەيدى قۇرمانعازى اۋداندىق ءبىلىم ءبولىمىنىڭ باسشىسى گۇلفارا قۇباەۆا.