مەملەكەتتىك جينالىستىڭ (پارلامەنت) دەپۋتاتى, «قازاقستان – ۆەنگريا» دوستىق توبىنىڭ مۇشەسى, قىپشاقتار وداعىنىڭ پرەزيدەنتى شاندور كوۆاچ جالپىقالالىق ءباسپاسوز ورتالىعىندا وتكەن بريفينگتە الماتىدا سايلاۋ پروتسەسىن ۇيىمداستىرۋعا قاتىستى پىكىرىمەن ءبولىستى, دەپ جازادى Egemen.kz.
شاندور كوۆاچ قازاقستانداعى سايلاۋدىڭ جوعارى دەڭگەيدە ءوتىپ جاتقانىن اتاپ ءوتتى.
«مەن قازاقستاندا شامامەن 5 رەت حالىقارالىق باقىلاۋشى بولدىم. سوندىقتان قازاقستاندا سايلاۋدىڭ ارقاشان جوعارى دەڭگەيدە وتەتىنىن, بۇل جولى دا سولاي ءوتىپ جاتقانىن اتاپ وتەمىن», دەدى ول.
ونىڭ ايتۋىنشا, بيىلعى سايلاۋ ەرەكشە, سەبەبى ول قيىن ۋاقىتتا – پاندەميا كەزىندە وتۋدە.
ء«بىز سايلاۋدىڭ دۇرىس ۇيىمداستىرىلعانىن بايقادىق. مۇندا كىرۋ جانە شىعۋ ورىندارى بولەك, تەمپەراتۋرانى تەكسەرىلىپ, كىرەبەرىس دەزينفەكتسيالانۋدا. وسى تۇرعىدان العاندا ۇيىمداستىرۋ جوعارى دەڭگەيدە. پاندەمياعا قاراماستان سايلاۋشىلار كوپ داۋىس بەرەدى دەپ سەنەمىن», دەدى شاندور كوۆاچ.
حالىقارالىق باقىلاۋشىنىڭ ايتۋىنشا, وتكىزىلىپ جاتقان سايلاۋدا ورەسكەل بۇزۋشىلىقتار ورىن العان جوق. ۋچاسكەلىك سايلاۋ كوميسسيالارى ۋچاسكەلەردى ۇيىمداستىرۋعا وتە جاۋاپكەرشىلىكپەن كەلگەن.
«قازىر الەمدەگى بارلىق جەردە ادام قۇقىقتارىنىڭ بۇزىلۋى تۋرالى اقپاراتتار ءجيى كەزدەسەدى. الايدا, مەن قازاقستاندا ەشقانداي بۇزۋشىلىقتاردى بايقامادىم», دەپ اتاپ ءوتتى ول.
ءوزىنىڭ سوزىندە ش.كوۆاچ قر-داعى داۋىس بەرۋ مەن سايلاۋ پروتسەسىن جاقسارتۋ جونىندە ۇسىنىمدارىن ايتتى.
«مەن ادامنىڭ ءوز ەركىن ءبىلدىرۋى وتە ماڭىزدى دەپ ويلايمىن. ادامدار نەعۇرلىم كوپ داۋىس بەرسە, ناتيجە دە جوعارى بولادى. ارينە, ءبارى اقپاراتتىق ناۋقانعا بايلانىستى, حالىق داۋىس بەرۋدىڭ ماڭىزدى ەكەنىن ء بىلۋى ءتيىس. ارقاشان العا ۇمتىلعان ءجون, ول ءۇشىن وزىق تەحنولوگيالاردى قولدانۋ كەرەك», دەدى شاندور كوۆاچ.