اتىراۋدا يتكە قاتىگەزدىك جاساۋ توقتار ەمەس. بىلتىر ءيتتى ازاپتاۋعا بايلانىستى بىرنەشە دەرەك تىركەلگەن ەدى. ەندى مىنە, بۇل جولى ەسىرگەن جۇرگىزۋشى كولىگىمەن ءيتتى سۇيرەپ ءجۇر, دەپ حابارلايدى Egemen.kz
كەشە بۇل تۋرالى الەۋمەتتىك جەلىدە ۆيدەو تاراپ, جۇرتشىلىقتىڭ رەنىشىن تۋعىزدى. جۇرتتىڭ جاعاسىن ۇستاتقان وقىس وقيعا اتىراۋ قالاسىنداعى ازاتتىق داڭعىلىندا بولعان.
«اتالعان دەرەككە بايلانىستى اتىراۋ قالاسىندا تۇراتىن اۆتوكولىك جۇرگىزۋشىسى انىقتالىپ, ۇستالدى. جۇرگىزۋشە قاتىستى قر قىلمىستىق كودەكسىنىڭ 316-بابىمەن (جانۋارلارعا قاتىگەزدىك جاساۋ) سوتقا دەيىنگى تەرگەۋ جۇرگىزىلۋدە», دەپ ءمالىم ەتتى وبلىستىق پوليتسيا دەپارتامەنتىنىڭ ءباسپاسوز قىزمەتىنەن.