اينۇر مۇراتوۆا – ماحامبەت اۋدانىنداعى قوسارال ورتا مەكتەبىنىڭ 9-سىنىپ وقۋشىسى. ول «تابيعي ينديكاتور الۋ جانە قولدانۋ» تاقىرىبىنداعى جوبا دايىندادى. حيميا ءپانىن ۇناتاتىن وقۋشى العاشقى زەرتتەۋىن «دارىن» رەسپۋبليكالىق عىلىمي-تاجىريبەلىك ورتالىعى ۇيىمداستىرعان ءال-فارابي اتىنداعى عىلىمي جوبالار بايقاۋىندا ءساتتى قورعادى.
عىلىمعا بەت بۇرعان وقۋشىنىڭ عىلىمي جەتەكشىسى ساندۋعاش قابازوۆانىڭ ايتۋىنشا, اتالعان بايقاۋعا بۇرىن زەرتتەلمەگەن, بىراق كوپتەن ويدا جۇرگەن تاقىرىپ ۇسىنىلىپتى. ال اينۇر مۇراتوۆا عىلىمي جوباسىندا تابيعي شيكىزاتتان قولمەن الۋعا بولاتىن ينديكاتورلاردى (تابيعي بوياۋلاردى) تاجىريبە جۇزىندە دالەلدەپ كورسەتتى. ءسويتىپ, تابيعي وسىمدىكتەردەردىڭ قۇرامى قورشاعان ورتانىڭ اسەرىنە بايلانىستى ءتۇسىن ءجيى وزگەرگەتىنىن انىقتادى.
– ۇستازىممەن بىرگە دايىنداعان جوبانى تەك حيميا ساباعىندا زەرتتەۋ تۇرىندە عانا ەمەس, تۇرمىستا دا قولدانۋعا بولادى. ويتكەنى كۇندەلىكتى ىدىس جۋعا پايدالانىپ جۇرگەن «ميف», «Fairy», «اوS» سەكىلدى سۇيىقتار مەن حوش ءيىستى سابىنداردىڭ ءبارى حيميالىق ارەكەتتەسۋ ارقىلى الىنادى. حيميا تەرمينىمەن ايتقاندا, سىلتىلىك جانە ءالسىز سىلتىلىك ورتادا دايىندالادى. سوندىقتان تابيعي وسىمدىكتەردەن بوياۋ الۋ تاقىرىبىن كەڭىرەك زەرتتەي بەرەمىن, دەيدى اينۇر مۇراتوۆا.
وقۋشىنىڭ ايتۋىنا قاراعاندا, تابيعي وسىمدىكتەردىڭ قۇرامى, ودان تابيعي بوياۋ الۋ تاسىلدەرى مەكتەپ باعدارلاماسىنىڭ 5,6-سىنىپتارداعى جاراتىلىستانۋ مەن 7-سىنىپتىڭ حيميا وقۋلىعىنا ەنگىزىلۋى كەرەك. سوندا وقۋشىلاردىڭ عىلىمعا ىنتاسى ارتا تۇسەر ەدى.
اتىراۋ وبلىسى