ءبىلىم جانە عىلىم ءمينيسترى اسحات ايماعامبەتوۆ شىمكەنتكە جۇمىس ساپارى بارىسىندا ءبىلىم بەرۋ ۇيىمدارىنىڭ پەداگوگتەرىمەن جانە وقىتۋشىلارىمەن كەزدەستى, دەپ حابارلايدى Egemen.kz
مينيستر مەگاپوليستەگى №1 مەكتەپ-گيمنازياسىندا, جول-كولىك كوللەدجىندە, م.اۋەزوۆ اتىنداعى وڭتۇستىك قازاقستان ۋنيۆەرسيتەتى مەن وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىندە بولىپ قايتتى. اسحات ايماعامبەتوۆ پەداگوگتەر مەن وقىتۋشىلارعا مينيسترلىك اتقارىپ جاتقان نەگىزگى جۇمىستار بويىنشا اقپارات بەردى. سونداي-اق مەملەكەت باسشىسى مىندەتتەگەن تاپسىرمالاردىڭ ورىندالۋى تۋرالى كەڭىنەن توقتالىپ, قابىلدانعان جاڭا نورماتيۆتىك-قۇقىقتىق اكتىلەر مەن ءبىلىم بەرۋ ماسەلەلەرى بويىنشا زاڭناماداعى وزگەرىستەر تۋرالى ايتتى.