ورالدا قارعا تاس توسەپ جاتقانداردىڭ ۆيدەوسى تارادى. اشكەرە بولعان جۇمىسقا تاپسىرىس بەرۋشىلەر وسى جاعدايعا قاتىستى پىكىر ءبىلدىردى, دەپ حابارلايدى Egemen.kz.مەردىگەر ۇيىمنىڭ قىزمەتكەرلەرى ياروسلاۆسكايا كوشەسىندە جوندەۋ جۇمىستارىن جۇرگىزگەن. جەرگىلىكتى تۇرعىندار قۇرىلىسشىلاردىڭ قارعا تاس توسەپ جاتقانىن ۆيدەوعا ءتۇسىرىپ العان.
جۇمىسقا تاپسىرىس بەرۋشى ورال قالاسىنىڭ تۇرعىن ءۇي-كوممۋنالدىق شارۋاشىلىعى, اۆتوموبيل جولدارى جانە جولاۋشىلار كولىگى ءبولىمى (تكش, جك جانە اج) ەكەنى بەلگىلى بولدى. مۇندا مەردىگەر «قازقۇرىلىسگارانت» جشس ەكەنى حابارلاندى. جوبا سوماسى - شامامەن 85 ميلليون تەڭگە.
«بۇل جۇمىستار بيۋدجەت قاراجاتىنان تولەنبەيدى. مەردىگەر ۇيىم جوبانى مەرزىمىندە اياقتاي المادى. ءبىز مەردىگەردى مەملەكەتتىك ساتىپ الۋلاردىڭ جوسىقسىز قاتىسۋشىسى دەپ تانۋ تۋرالى سوتقا تالاپ ارىز بەردىك», دەدى ورال قالاسىنىڭ تكش, جك جانە اج ءبولىمىنىڭ باس مامانى گۇلسانا بەردىعالي.
مەردىگەر ۇيىمنىڭ باسشىسى جۇمىستى ونىڭ قىزمەتكەرلەرى جۇرگىزگەنىن مويىندادى.
«تۇرعىندار اۋدانى 15 شارشى مەتر ۋچاسكەدە تاس توسەۋ جۇمىستارىن ۆيدەوعا ءتۇسىرىپ العان. بۇل كوشەدە ەكى جاڭا عيمارات سالىنىپ جاتىر. اۋىر تەحنيكا توسەلگەن تاستاردى قيراتتى. بىزدە وسى قۇرىلىس ماتەريالىنىڭ ەكى پاكەتى قالدى. مەن ولاردى وسى جەرگە سالۋدى شەشتىم», دەدى «قازقۇرىلىسگارانت» جشس ديرەكتورى سافا ازيزوۆ.